മദീന: ഒ.ഐ.സി.സി സംഘടിപ്പിച്ച മുന്‍ മുഖ്യമന്ത്രി ഉമ്മന്‍ ചാണ്ടിയുടെ രാണ്ടാം ചരമ വാര്‍ഷികദിനം കെ.പി.സി സെക്രട്ടറി കെ.പി നൗഷാദ് അലി ഉദ്ഘാടനം ചെയ്തു. പൊതുജനസേവനം ജീവവായുവായി കണ്ട ഉമ്മന്‍ ചാണ്ടി സാധാരണ മനുഷ്യരുടെ പ്രശ്‌നങ്ങള്‍ പരിഹരിക്കുന്നതിലും വികസന സംരംഭങ്ങള്‍ കൊണ്ടു വരുന്നതിലും ഏറെ ശ്രദ്ധ കാണിച്ചു. ഇരുപത്തിനാല് മണിക്കൂറും ജനസേവനത്തിനായി മാറ്റി വെച്ച അദ്ദേഹം സമാനതകള്‍ ഇല്ലാത്ത മാതൃകയാണെന്നും ക്രൂരമായ വേട്ടയാടലുകളെ സൗമ്യനായി നേരിട്ട അദ്ദേഹം എതിരാളികളോട് പോലും കാലുഷ്യമില്ലാതെ പെരുമാറിയ നേതാവായിരുന്നുവെന്നും നൗഷാദലി പറഞ്ഞു.

മദീന ഒ.ഐ.സി.സി പ്രസിഡണ്ട് ഹമീദ് പെരുംപറമ്പില്‍ അധ്യക്ഷത വഹിച്ചു. കെ.എസ്.യു സംസ്ഥാന സെക്രട്ടറി മുബാസ് ഒടക്കാലി മുഖ്യ പ്രഭാഷണം നിര്‍വ്വഹിച്ചു. മുജീബ് ചെനാത്ത്, ബഷീര്‍ പുല്‍പ്പള്ളി, റഫീഖ് കടയ്ക്കല്‍, ബാബു ചുങ്കത്തറ, സിയാദ് പെരുമ്പാവൂര്‍, മൊയ്തീന്‍ കോയ തുടങ്ങിയവര്‍ ഉമ്മന്‍ ചാണ്ടിയെ അനുസ്മരിച്ച് സംസാരിച്ചു.


ഫോട്ടോ: മദീന ഒ.ഐ.സി . സി സംഘടിപ്പിച്ച ഉമ്മന്‍ ചാണ്ടി അനുസ്മരണം കെ.പി.സി.സി സെക്രട്ടറി കെ.പി നൗഷാദ് അലി ഉദ്ഘാടനം ചെയ്യുന്നു.