റിയാദ്: ഹൈഡ്രജന്‍ ഉപയോഗിച്ച് ഓടുന്ന ലോകത്തെ ആദ്യ ബസ് സൗദി അറേബ്യ പുറത്തിറക്കി. കഴിഞ്ഞ ദിവസം നിയോമിലായിരുന്നു വിജയകരമായ പരീക്ഷണ ഓട്ടം. നിയോമിലെ പ്രധാന പദ്ധതികളിലൊന്നായ ട്രോജെന പ്രോജക്ട് ഏരിയയിലായിരുന്നു പരീക്ഷണ ഓട്ടം. ഹ്യൂണ്ടായ് മോട്ടോര്‍ ഗ്രൂപ്പിന്റെ സഹകരണത്തോടെയാണ് പദ്ധതി നടപ്പാക്കിയത്. കഴിഞ്ഞ വര്‍ഷം നിയോം സ്മാര്‍ട്ട് സിറ്റി പദ്ധതിയുടെ ഭാഗമായാണ് പുതിയ നീക്കം. ലോകത്ത് ആദ്യമായാണ് ഹൈഡ്രജന്‍ ഉപയോഗിച്ച് ഓടുന്ന ബസുകള്‍ നിരത്തിലിറങ്ങുന്നത്.

പരിസ്ഥിതി സൗഹൃദ വാഹനങ്ങള്‍, ആധുനിക സൗകര്യങ്ങള്‍ ഉപയോഗപ്പെടുത്തിയുള്ള യാത്ര തുടങ്ങിയവയുടെ ഭാഗമായാണ് പുതിയ നീക്കം. ഫാസ്റ്റ് റീഫില്ലിംഗ്, ഇന്ധന ലാഭം, ശബ്ദ മലിനീകരണം തടയുക തുടങ്ങിയവ പദ്ധതിയുടെ പ്രത്യേകതയാണ്. പരീക്ഷണ ഓട്ടം വിജയകരമായി പൂര്‍ത്തിയാക്കിയതോടെ സൗദിയുടെ വിവിധ പ്രദേശങ്ങളില്‍ പദ്ധതി നടപ്പാക്കാന്‍ ഒരുങ്ങുകയാണ് കമ്പനി. സെപ്തംബറിലാണ് ഇതിനായുള്ള കരാര്‍ ഒപ്പിട്ടത്.