ന്യൂഡല്‍ഹി: ഉപരാഷ്ട്രപതി ജഗ്ദീപ് ധന്‍കര്‍ രാജിവെച്ചു. ആരോഗ്യകാരണങ്ങളാലാണ് രാജിയെന്നാണ് പറയുന്നത്. രാജിക്കത്ത് രാഷ്ട്രപതി ദ്രൗപതി മുര്‍മുവിന് കൈമാറി. അനുച്ഛേദം 67 (എ) പ്രകാരമാണ് തന്റെ രാജിയെന്ന് കത്തില്‍ പറയുന്നുണ്ട്. രാഷ്ട്രപതി, പ്രധാനമന്ത്രി നരേന്ദ്ര മോഡി, കേന്ദ്ര മന്ത്രിമാര്‍ എന്നിവരോട് കൃതജ്ഞത അര്‍പ്പിക്കുന്നുവെന്നും കത്തില്‍ ജഗദീപ് ധന്‍കര്‍ പറയുന്നു. തിങ്കളാഴ്ചയും രാജ്യസഭ നിയന്ത്രിച്ചത് ധന്‍കറായിരുന്നു.

അഭിമാനത്തോടെയാണ് പടിയിറങ്ങുന്നത്. പ്രധാനമന്ത്രിയുടെ പിന്തുണ വിലമതിക്കാനാകാത്തതാണെന്നും അദ്ദേഹത്തില്‍നിന്ന് ഒരുപാട് കാര്യങ്ങള്‍ പഠിക്കാനായെന്നും സാമൂഹികമാധ്യമത്തില്‍ പങ്കുവെച്ച രാജിക്കത്തില്‍ പറഞ്ഞു. രാജ്യത്തിന്റെ 14ാമത് ഉപരാഷ്ട്രപതിയായി 2022 ആഗസ്റ്റിലാണ് ധന്‍കര്‍ ചുമതലയേറ്റത്. രാജസ്ഥാനിലെ ജുന്‍ജുനു സ്വദേശിയായ ധന്‍കര്‍ അതിനു മുന്‍പ് കേന്ദ്രമന്ത്രിയായും ബംഗാള്‍ ഗവര്‍ണറുമായും സോവനമനുഷ്ഠിച്ചിട്ടുണ്ട്.