പാലക്കാട്: വന്ദേഭാരത് ട്രെയിനുകള്‍ക്ക് എല്ലാ സ്റ്റേഷനുകളിലും ദക്ഷിണ റെയില്‍വേ കറന്റ് ടിക്കറ്റ് ബുക്കിങ് സൗകര്യമേര്‍പ്പെടുത്തി. ട്രെയിന്‍ സ്റ്റേഷനില്‍ എത്തുന്നതിന് 15 മിനിറ്റ് മുമ്പ് ടിക്കറ്റുകള്‍ ബുക്ക് ചെയ്യാം. ദക്ഷിണ റെയില്‍വേയുടെ എട്ട് ട്രെയിനുകളിലാണ് ഈ പുതിയ ക്രമീകരണം.
കറന്റ് റിസര്‍വേഷന്‍ കൗണ്ടറുകള്‍ വഴിയും ഓണ്‍ലൈന്‍ വഴിയും ബുക്ക് ചെയ്യാന്‍ സാധിക്കും. നിലവില്‍ ടിക്കറ്റ് ചാര്‍ട്ട് തയ്യാറാക്കി കഴിഞ്ഞാല്‍ വന്ദേഭാരത് പുറപ്പെടുന്ന സ്റ്റേഷനില്‍ നിന്ന് മാത്രമേ കറന്റ് ടിക്കറ്റുകള്‍ ബുക്ക് ചെയ്യാന്‍ കഴിയുമായിരുന്നുള്ളൂ. ചെന്നൈ സെന്‍ട്രല്‍ - വിജയവാഡ വി.ബി എക്‌സ്പ്രസ്, ചെന്നൈ എഗ്മോര്‍ - നാഗര്‍കോവില്‍ വി.ബി എക്‌സ്പ്രസ് (രണ്ട് ദിശകളിലേക്കും), കോയമ്പത്തൂര്‍ - ബെംഗളൂരു കന്റോണ്‍മെന്റ് വി.ബി എക്‌സ്പ്രസ്, മംഗളൂരു സെന്‍ട്രല്‍ - തിരുവനന്തപുരം വി.ബി എക്‌സ്പ്രസ് (രണ്ട് ദിശകളിലേക്കും), മംഗളൂരു സെന്‍ട്രല്‍ - മഡ്ഗാവ് വി.ബി എക്‌സ്പ്രസ്, മധുര - ബെംഗളൂരു കന്റോണ്‍മെന്റ് വി.ബി എക്‌സ്പ്രസ് എന്നീ ട്രെയിനുകളിലാണ് ഈ സൗകര്യം ലഭ്യമാകുക.
.jpg)
Related News
