സൂറത്ത്: സൂറത്തില്‍ പതിനൊന്ന് വയസ്സുകാരനെ തട്ടിക്കൊണ്ടുപോയി പീഡിപ്പിച്ചതിന് അധ്യാപിക അറസ്റ്റില്‍. കുട്ടിയെ കാണാനില്ലെന്ന് അച്ഛന്‍ പരാതി നല്‍കിയിരുന്നു. തുടര്‍ന്ന് പോലീസ് നടത്തിയ അന്വേഷണത്തിലാണ് അധ്യാപിക കുടുങ്ങിയത്.

കുട്ടിയെ കാണാതായതിനെ തുടര്‍ന്ന് പോലീസ് നടത്തിയ അന്വേഷണത്തില്‍ കുട്ടി അധ്യാപികയോടൊപ്പം പോകുന്ന സി.സി.ടി.വി ദൃശ്യങ്ങള്‍ ലഭിച്ചു. മൂന്ന് ദിവസത്തെ തെരച്ചിലിന് ശേഷം ഗുജറാത്ത് രാജസ്ഥാന്‍ അതിര്‍ത്തിയില്‍ നിന്നാണ് ഇരുവരെയും കണ്ടെത്തിയത്. ഏപ്രില്‍ 25 ന് അധ്യാപിക മാന്‍സി കുട്ടിയുമായി സൂറത്തില്‍ നിന്ന് പുറപ്പെട്ട് അഹമ്മദാബാദിലും തുടര്‍ന്ന് വഡോദര വഴി ഡല്‍ഹിയിലും ബസില്‍ എത്തി. അവിടെ നിന്ന് ഇരുവരും ജയ്പൂരിലേക്ക് പോയി രണ്ട് രാത്രി ഒരു ഹോട്ടലില്‍ താമസിച്ചു. വൈദ്യപരിശോധനക്ക് ശേഷം കൂടുതല്‍ നടപടികള്‍ സ്വീകരിക്കുമെന്ന് പോലീസ് അറിയിച്ചു. അധ്യാപികക്കെതിരെ പോക്‌സോ കേസ് രജിസ്റ്റര്‍ ചെയ്തിട്ടുണ്ട്.