ഫാല്‍ക്കണ്‍ സിനിമാസിന്റെ ബാനറില്‍ ജിനി. എസ്. നിര്‍മ്മിച്ച് നവാഗതനായ അനുഷ് മോഹന്‍ സംവിധാനം ചെയ്യുന്ന വത്സലാ ക്ലബ്ബ് ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുറത്തുവിട്ടു. തിരുവനന്തപുരത്തും പരിസരങ്ങളിലുമായി ചിത്രത്തിന്റെ ചിത്രീകരണം പുരോഗമിക്കുന്നതിനിടയിലാണ് ആദ്യ അനൗണ്‍സ്‌മെന്റൊയി ഫസ്റ്റ് ലുക്ക് പോസ്റ്റര്‍ പുറത്തുവിട്ടിരിക്കുന്നത്.
ഭാരതക്കുന്ന് എന്ന സാങ്കല്‍പ്പിക ഗ്രാമത്തിലാണ് കഥ നടക്കുന്നത്. വര്‍ഷങ്ങളായി ഈ ഗ്രാമത്തില്‍ നിലനിന്നു പോരുന്ന ഒരു കാര്യമാണ് വിവാഹം മുടക്കല്‍.
അവര്‍ക്ക് ഇത് മത്സരവും ആഘോഷവും പോലെയാണ്. ആണ്‍ പെണ്‍ വ്യത്യാസമില്ലാതെ തലമുറതലമുറ കൈമാറി ഈ കാര്യം നിലനിന്നു പോരുന്നു.
സ്വന്തം മക്കളുടെ വിവാഹം പോലും മുടക്കുന്നതില്‍ ഇവര്‍ക്ക് തെല്ലും ദുഃഖമില്ല. ഏറ്റവും കൂടുതല്‍ കല്യാണം മുടക്കുന്നവര്‍ക്ക് മുടക്കു ദണ്ഡ് എന്ന പാരിതോഷികവും നല്‍കുന്നു.
ഇവിടെ വത്സലാ ക്ലബ്ബ് എന്ന ഒരു ക്ലബ്ബ് പ്രവര്‍ത്തിക്കുന്നുണ്ട്. ഈ നാട്ടില്‍ നടക്കുന്ന ഈ കല്യാണം മുടക്കിനെ ശക്തമായി എതിര്‍ക്കുന്ന ഏതാനും ചെറുപ്പക്കാര്‍ ഈ ക്ലബ്ബിന്റെ സജീവ പ്രവര്‍ത്തകരാണ്. ഈ പ്രശ്‌നത്തിന്റെ പേരില്‍ ക്ലബ്ബ് പ്രവര്‍ത്തകരും നാട്ടുകാരും രണ്ടു ചേരികളിലായി. ഇവര്‍ക്കിടയിലേക്ക് ഒരു പെണ്‍കുട്ടി കടന്നു വരുന്നതോടെ കഥാഗതിയില്‍ വലിയൊരു വഴിത്തിരിവിനു വഴിയൊരുക്കുന്നു. നവാഗതനായ അനുഷ് മോഹന്‍ സംവിധാനം ചെയ്യുന്ന വത്സലാ ക്ലബ്ബ് എന്ന ചിത്രത്തിന്റെ പശ്ചാത്തലമാണിത്.
തികച്ചും കൗതുകകരമായ ഒരു പ്രമേയം ഹ്യൂമര്‍, ഫാന്റെസി ജോണറില്‍ അവതരിപ്പിക്കുയാണ് ഈ ചിത്രത്തിലൂടെ. സാധാരണക്കാര്‍ താമസിക്കുന്ന ഒരു ഗ്രാമത്തിന്റെ പശ്ചാത്തലത്തിലൂടെയാണ് ഈ ചിത്രത്തിന്റെ അവതരണം. താരപ്പൊലിമയേക്കാളുപരി കഥക്കനുയോജ്യമായതും ഒപ്പം സമീപകാല മലയാള സിനിമകളിലൂടെ ശ്രദ്ധേയവരുമാണ് ഈ ചിത്രത്തിലെ അഭിനേതാക്കള്‍. വിനീത് തട്ടില്‍, അഖില്‍ കവലയൂര്‍, കാര്‍ത്തിക്ക് ശങ്കര്‍, രൂപേഷ് പീതാംബരന്‍, അരിസ്റ്റോ സുരേഷ്,അംബി, വിശാഖ്, ഗൗരി, മല്ലികാസുകുമാരന്‍, ജിബിന്‍ ഗോപിനാഥ്, അനില്‍ രാജ്, അരുണ്‍മ്പോള്‍, ദീപുകരുണാകരന്‍, പ്രിയാ ശ്രീജിത്ത്, ബിനോജ് കുളത്തൂര്‍, രാഹുല്‍ നായര്‍, ദീപു നാവായിക്കുളം, അനീഷ്, ഗൗതം. ജി. ശശി, അസീന റീന, അരുണ്‍ ഭാസ്‌ക്കര്‍, ആമി തിലക് എന്നിവരാണ് കേന്ദ്ര കഥാപാത്രങ്ങളെ അവതരിപ്പിക്കുന്നത്. ധ്യാന്‍ ശ്രീനിവാസന്‍ ഈ ചിത്രത്തിലെ മറ്റൊരു മുഖ്യ കഥാപാത്രത്തെ അവതരിപ്പിക്കുന്നു.
രചന -ഫൈസ് ജമാല്‍, സംഗീതം - ജിനി എസ്., ഛായാഗ്രഹണം - ശൗരിനാഥ്. എഡിറ്റിംഗ് - രാകേഷ് അശോക, കലാസംവിധാനം - അജയ് ജി. അമ്പലത്തറ, സ്റ്റില്‍സ് - അജി മസ്‌ക്കറ്റ്, മേക്കപ്പ് സന്തോഷ് വെണ്‍ പകല്‍, കോസ്റ്റ്യും - ഡിസൈന്‍ ബ്യൂസി ബേബി ജോണ്‍. ഡിസൈന്‍ - ആനന്ദ് രാജേന്ദ്രന്‍. ചീഫ് അസ്സോസ്സിയേറ്റ് ഡയറക്ടര്‍ - അനുരാജ്..ഡി.സി. പ്രൊഡക്ഷന്‍ മാനേജര്‍ - കുര്യന്‍ ജോസഫ്, പ്രൊഡക്ഷന്‍ എക്‌സിക്കുട്ടീവ് - ഹരി കാട്ടാക്കട. പ്രൊഡക്ഷന്‍ കണ്‍ട്രോളര്‍ - മുരുകന്‍.എസ്. തിരുവനന്തപുരത്തും പരിസരങ്ങളിലുമായി ഈ ചിത്രത്തിന്റെ ചിത്രീകരണം പുരോഗമിക്കുന്നു.
.jpg)
Related News
