റിയാദ് : റമദാനെ വരവേല്‍ക്കാനായി ആകര്‍ഷകമായ ഓഫറുകളുമായി ലുലു. ഉപഭോക്താക്കള്‍ക്ക് അവശ്യ വസ്തുക്കള്‍ മികച്ച വിലക്കുറവില്‍ ലഭിക്കുവാന്‍, ലുലു റമദാന്‍ പ്രമോഷനുകള്‍ക്ക് തുടക്കമായി. വീട്ടുസാധനങ്ങള്‍, ഫാഷന്‍ അക്‌സസറീസ്, ഇലക്ട്രോണിക്‌സ് ഡിജിറ്റല്‍ ഉത്പന്നങ്ങള്‍ക്ക് അടക്കം മികച്ച ഓഫറുകളാണുള്ളത്. 6000- ത്തില്‍ പരം ഉല്‍പന്നങ്ങള്‍ക്ക് പകുതി വിലയില്‍ കൂടുതല്‍ കിഴിവുകളുള്ള എക്‌സ്‌ക്ലൂസീവ് പ്രമോഷനുകളാണ് ഒരുക്കിയിട്ടുള്ളത്.

ദൈന്യംദിന ആവശ്യങ്ങള്‍ക്കുള്ള ഉല്‍പന്നങ്ങള്‍ സ്വന്തമാക്കാന്‍ 'റമദാന്‍ വിത്ത് ലുലു' ഓഫറുകള്‍ക്കാണ് ലുലുവില്‍ തുടക്കമായിരിക്കുന്നത്. റെഡി ടു പ്രിപ്പെയര്‍ ഫുഡ്സ്, ഡെസര്‍ട്ടുകള്‍, ചീസുകള്‍, കോള്‍ഡ് കട്ട്സ്, കുട്ടികളുടെ പ്രത്യേക ഭക്ഷണ വിഭവങ്ങള്‍ തുടങ്ങിയവക്കായി സ്പെഷ്യല്‍ ഓഫറുകള്‍ ഒരുക്കിയിട്ടുണ്ട്. അതോടൊപ്പം, ഷുഗര്‍ ഫ്രീ ഉത്പന്നങ്ങള്‍ അടക്കം ഉള്‍പ്പെടുത്തിയിട്ടുള്ള 'ഹെല്‍ത്തി റമദാന്‍' സ്‌പെഷ്യല്‍ പ്രമോഷനും ഒരുക്കിയിട്ടുണ്ട്.

പ്രിയപ്പെട്ടവര്‍ക്ക് സമ്മാനമായി നല്‍കാന്‍ 50 മുതല്‍ 500 റിയാല്‍ വരെയുള്ള ഗിഫ്റ്റ് കാര്‍ഡുകളും ലഭ്യമാണ്. അരി, എണ്ണ, പാല്‍പ്പൊടി, തേയില, പഞ്ചസാര, ജ്യൂസ് ഉല്‍പന്നം, പാസ്റ്റ, ഈത്തപ്പഴം, ധാന്യങ്ങള്‍, ചിക്കന്‍ സ്റ്റോക്ക് എന്നിവ അടങ്ങിയ 99 റിയാലിന്റെ റമദാന്‍ കിറ്റുകളും ലുലു ഒരുക്കിയിട്ടുണ്ട്. ഓണ്‍ലൈന്‍ ഡെലിവറിയും ലഭ്യമാണ്. സൗദി ഫുഡ് ബാങ്കിന്റെ പങ്കാളിത്തത്തോടെ 15 റിയാലിന്റെ ഗിഫ്റ്റ് പായ്ക്കും, 99 റിയാലിന്റെ ഗ്രോസറി കിറ്റും ലുലു ഒരുക്കിയിട്ടുണ്ട്.

വിശുദ്ധ മാസത്തില്‍, ഉപഭോക്താകള്‍ക്ക് ഏറ്റവും മികച്ച നിലവാരമുള്ള ഉല്‍പ്പന്നങ്ങളാണ് ഉറപ്പാക്കിയിട്ടുള്ളതെന്നും വിലവര്‍ധനവ് തടയാന്‍ പ്രൈസ് ലോക്ക് സംവിധാനം അടക്കം ഏര്‍പ്പെടുത്തിയിട്ടുണ്ടെന്നും ലുലു ഹൈപ്പര്‍മാര്‍ക്കറ്റ് സൗദി ഡയറക്ടര്‍ ഷഹീം മുഹമ്മദ് വ്യക്തമാക്കി.

ലുലുവിന്റെ ചാരിറ്റി ബോക്‌സുകള്‍ വാങ്ങി അര്‍ഹരായ ആളുകളിലേക്ക് എത്തിക്കാനും ഉപഭോക്താകള്‍ക്ക് അവസരമുണ്ട്. കൂടാതെ 99 റിയാലിന്റെ ചാരിറ്റി പ്രീ പായ്ക്ക്ഡ് ബോക്സും, ഇഫ്താര്‍ മീല്‍ ഗിഫ്റ്റ് കാര്‍ഡുമുണ്ട്. സൗദി അറേബ്യയുടെ പ്രധാന ഫിനാന്‍ഷ്യല്‍ സിസ്റ്റം സൊല്യൂഷന്‍സ് പ്രൊവൈഡറായ മനാഫിത്തുമായും ലുലു ചാരിറ്റി സേവനങ്ങള്‍ക്കായി സഹകരിക്കുന്നുണ്ട്.