പൊന്നാനി: പൊന്നാനി മേഖലയ്ക്ക് ആരോഗ്യ കവചം പ്രദാനം ചെയ്തു കൊണ്ട് പ്രഥമ സ്‌പെഷ്യലൈസ്ഡ് ആതുരാലയം, നൂര്‍ ഡയബറ്റിക് & പീടിയാട്രിക് സെന്റര്‍ കുണ്ടുകടവ് ജംക്ഷന്‍ എടപ്പാള്‍ റോഡില്‍ പ്രവര്‍ത്തനം ആരംഭിച്ചു. പൊന്നാനി മഖദൂം എം പി മുത്തുക്കോയ തങ്ങള്‍ നാട മുറിച്ച് ആശുപത്രി നാടിന് സമര്‍പ്പിച്ചു. നാടിന് പുരോഗതിയും സാധാരണക്കാര്‍ക്ക് ആശ്വാസവും കൊണ്ടുവരുന്ന ഇത്തരം സംരംഭങ്ങള്‍ പ്രോത്സാഹനവും അഭിനന്ദനവും അര്‍ഹിക്കുന്നവയാണെന്ന് മഖദൂം മുത്തുക്കോയ തങ്ങള്‍ അഭിപ്രായപ്പെട്ടു.
ആശുപത്രിയോടനുബന്ധിച്ച ഫാര്‍മസി പ്രമുഖ ചലച്ചിത്ര താരവും മുഖ്യാതിഥിയുമായ ശ്രവണ ഉദ്ഘാടനം ചെയ്തു. അക്ബര്‍ ട്രാവല്‍സ് ഉള്‍പ്പെടുന്ന അക്ബര്‍ ഗ്രൂപ്പിന് കീഴിലുള്ള സ്ഥാപനമാണ് നൂര്‍ ആശുപതി. ഗ്രൂപ്പ് സ്ഥാപകനും സാരഥിയുമായ കെ വി അബ്ദുല്‍ നാസര്‍, നൂര്‍ജഹാന്‍, വൈസ് ചെയര്‍മാന്‍ ഉണ്ണികൃഷ്ണന്‍, നിര്‍മ്മല ഉണ്ണികൃഷ്ണന്‍, ചലച്ചിത്ര നടന്‍ അഷ്‌കര്‍ സൗദാന്‍, പൊന്നാനി മുന്‍സിപ്പില്‍ ചെയര്‍മാന്‍ ശിവദാസ് ആറ്റുപുറം, കര്‍മ്മ ബഷീര്‍, പൊതുപ്രവര്‍ത്തകന്‍ പി വി അയ്യൂബ് മുതലായവര്‍ ഉള്‍പ്പെടെ വന്‍ ജനാവലിയുടെ സാന്നിധ്യത്തിലായിരുന്നു ഉദ്ഘാടനച്ചടങ്ങ്.
ഡോ. ഹസീന കെ എം, ഡോ. സാലിഹ ഹാരിസ് ജിഫ്രി, ഡോ. അക്ബര്‍ പി വി, ഡോ. നിധിന്‍ കെ പി, ഡോ. റിജിത്ത് സലിം എന്നിവരും സന്നിഹിതരായിരുന്നു. ആരോഗ്യ മേഖലയില്‍ മാറ്റങ്ങള്‍ക്ക് തുടക്കമിട്ട ബെന്‍സി പോളി ക്ലിനിക്കിന്റ തുടര്‍ച്ചയായിട്ടാണ് പൊന്നാനിയിലെ ആദ്യത്തെ ഡയബെറ്റിക് & പൊഡിയാട്രിക് സെന്റര്‍ നൂര്‍ ഹോസ്പിറ്റല്‍ പ്രവര്‍ത്തനം തുടങ്ങിയത്.
പരിശോധനാ ഫീസും ഫാര്‍മസി നിരക്കും സാധാരണക്കാര്‍ക്ക് വലിയ ആശ്വാസം പകരുന്ന വിധത്തിലായിരിക്കുമെന്ന് അക്ബര്‍ ഗ്രൂപ്പ് സാരഥി കെ വി അബ്ദുല്‍ നാസര്‍ പറഞ്ഞു.
നൂതന സാങ്കേതിക സൗകര്യങ്ങളോടു കൂടി സജ്ജീകരിച്ചിട്ടുള്ള നൂര്‍ ഡയബറ്റിക് & പൊഡിയാട്രിക് ആശുപത്രി പ്രമേഹ ചികിത്സാര്‍ത്ഥം ദൂരദിക്കുകളിലേക്ക് പോകേണ്ടിവരുന്ന നിലവിലെ ദുരവസ്ഥയില്‍ നിന്ന് പൊന്നാനിക്ക് ആശ്വാസം നല്‍കും. മറ്റു വിഭാഗങ്ങളിലും ജനറല്‍ മെഡിസിനിലും സ്ത്രീകളുടെയും കുട്ടികളുടെയും വിഭാഗത്തിലും വിദഗ്ധ ഡോക്ടര്‍മാരുടെ സേവനമാണ് ഏര്‍പ്പെടുത്തിയിട്ടുള്ളതെന്നും അധികൃതര്‍ അറിയിച്ചു.
.jpg)
