ജിദ്ദ ടെലിമണിട്രാന്‍സ്ഫര്‍, കാഫ് ലോജിസ്റ്റിക് സഹകരണത്തോടെ നടത്തുന്ന കാഫ് സൂപ്പര്‍ 7സ് കപ്പ് ഫുട്‌ബോള്‍ ടൂര്‍ണമെന്റിന്റെ ഔദ്യോഗിക ഫിക്‌സ്ചര്‍ റിലീസ് ഷറഫിയ എംഅര്‍എ റസ്‌റ്റോറന്റ്് ഹാളില്‍ നടന്നു. ടൂര്‍ണമെന്റ് പ്രേമികളുടെ കാത്തിരിപ്പിനൊടുവില്‍, മത്സര ക്രമീകരണങ്ങള്‍ ഔദ്യോഗികമായി പ്രഖ്യാപിച്ചു
ഫിക്‌സചര്‍റിലീസ് ചടങ്ങ് ക്യാപ്റ്റന്‍ ബാക്മാന്‍ (സൗദി എയര്‍ലയന്‍സ് പൈലറ്റ്) ഉദ്ഘാടനം ചെയ്തു. പരിപാടിയില്‍ ടെലിമണി റീജണല്‍ മാനേജര്‍ ഡോ. സൈദല്‍ മന്‍സൂരി, കാഫ് ലോജിസ്റ്റിക്ക് സിഇഒ ഫൈസല്‍ പൂന്തല, സിഫ് വൈസ് പ്രസിഡന്റ് ഷബീര്‍ അലി ലവ, ഹകീം പാറക്കല്‍, സുബൈര്‍ വട്ടോളി, യാസര്‍ അറഫാത്ത് മോങ്ങം, റിയല്‍ കേരള പ്രസിഡന്റ് ഫിറോസ് ചെറുകോട് എന്നിവര്‍ സംസാരിച്ചു.
നാളെ (വെള്ളിയാഴ്ച്ച) തുടങ്ങി മൂന്നു ആഴ്ചകളിലായി ജിദ്ദയിലെ ഖാലിദ് ബിന്‍ വലീദ് സ്റ്റേഡിയത്തില്‍ ആരംഭിക്കുന്ന ടൂര്‍ണമെന്റില്‍ സൗദിയിലെ പ്രശസ്തരായ കളിക്കാര്‍ പങ്കെടുക്കുന്ന 8 ടീമുകളും വെറ്റേറന്‍സ് നാലു ടീമുകളും, ഫൈനലില്‍ കുട്ടികളുടെ ഒരു മത്സരവും നടക്കും. ടൂര്‍ണമെന്റ്‌നോട് അനുബന്ധിച്ചു നടക്കുന്ന കൂപ്പണ്‍ നറുക്കെടുപ്പിലെ മെഗാ പ്രൈസ് റീഗല്‍ ഡേറ്റുഡേ നല്‍കുന്ന നാട്ടിലൊരു സ്‌കൂട്ടിയും, ഡെയ്ലി നറുക്കെടുപ്പിലൂടെ സാന്‍ഫോഡ് നല്‍കുന്ന മറ്റു സമ്മാനങ്ങളും നല്‍കും.
വിവിധ ക്ലബ്കളുടെ പ്രതിനിധികളും, മറ്റ് സംഘടനാ പ്രതിനിധികളും പങ്കുടുത്ത പരിപാടി റാഫി ബീമാപ്പള്ളി നിയന്ത്രിച്ചു. സൈഫുദ്ധീന്‍ വാഴയില്‍ സ്വാഗതവും അംജിദ് വാഴക്കാട് നന്ദിയും പറഞ്ഞു.
.jpg)
