ജിദ്ദ: കരുളായി പ്രവാസി സംഘം ജിദ്ദയിലൊരുക്കിയ ഫുട്ബോള്‍ ഫെസ്റ്റ് ആവേശം അല്ല തല്ലിയ സെമി ഫൈനല്‍, ഫൈനല്‍ മത്സരങ്ങളോടെ സമാപിച്ചു. ജിദ്ദ അല്‍സാമിര്‍ അജ് വാദ് ഗ്രൗണ്ടില്‍ നടന്ന ടൂര്‍ണ്ണമെന്റില്‍ കരുളായിലെ നാല് ടീമുകള്‍ പങ്കെടുത്തു. എഫ് സി ലെജന്‍ഡ്സ്, യുണൈറ്റഡ് എഫ് സി, സ്റ്റാലിയന്‍സ് എഫ് സി, കമ്മാന്‍ഡേര്‍സ് എഫ് സി എന്നീ ടീമുകള്‍ മാറ്റുരച്ച ആവേശം വിതറിയ ടൂര്‍ണമെന്റില്‍ കുടുംബങ്ങള്‍ അടക്കം നൂറുക്കണക്കിന് ആളുകള്‍ പങ്കെടുത്തു.
ടൂര്‍ണ്ണമെന്റില്‍ മത്സരിക്കാന്‍ സൗദിയുടെ വിവിധ ഭാഗങ്ങളില്‍ നിന്ന് കളിക്കാരും കളി കാണാന്‍ കാണികളും എത്തിയിരുന്നു. ആവേശം നിറഞ്ഞ ഫൈനലില്‍ എഫ് സി ലെജന്‍ഡ്സ് രണ്ടിനെതിരെ നാല് ഗോളുകള്‍ക്ക് യുണൈറ്റഡ് എഫ്സി യെ തോല്‍പ്പിച്ചു കപ്പു നേടി. എഫ്സി കമ്മാന്‍ഡേര്‍സ് ടൂര്‍ണ്ണമെന്റില്‍ മൂന്നാം സ്ഥാനക്കാരായി.
വിജയികള്‍ക്കുള്ള ട്രോഫി കെ പി എസ് രക്ഷാധികാരി അമീര്‍ ചുള്ളിയനില്‍ നിന്ന് ലെജന്‍ഡ്സ് ക്യാപ്റ്റന്‍ സാബില്‍ ഏറ്റു വാങ്ങി. റണ്ണേഴ്സ് ട്രോഫി എന്‍ കെ അബ്ബാസില്‍ നിന്ന് യുണൈറ്റഡ് എഫ്സി ക്യാപ്റ്റന്‍ മുന്‍ഫെര്‍ ഏറ്റു വാങ്ങി. മികച്ച ഗോള്‍ കീപ്പര്‍ക്കുള്ള ട്രോഫി ലെജന്‍ഡ്സ് കീപ്പര്‍ മോയിന്‍കുട്ടി മുണ്ടോടന്‍ ട്രഷറര്‍ റഫീഖില്‍ നിന്നും, ഏറ്റവും നല്ല കളിക്കാരനുള്ള ട്രോഫി അനു അജ്മല്‍ വി പി ഷൗക്കത്തില്‍ നിന്നും സ്വീകരിച്ചു. വിന്നേഴ്‌സ് ടീമംഗങ്ങള്‍ക്ക് നാസര്‍ കരുളായിയും റണ്ണേഴ്സ് ടീമംഗങ്ങള്‍ക്ക് മുര്‍ഷിദും മെഡലുകള്‍ സമ്മാനിച്ചു. ഭക്ഷണ വിതരണത്തിന് റഫീഖ്, സഫറലി, മുര്‍ഷിദ്, റിയാസ് മദനി, അബ്ബാസ്, റിയാസ് കെ കെ എന്നിവര്‍ നേതൃത്വം നല്‍കി. ടൂര്‍ണമെന്റ് വിജയത്തിന് കെ പി എസ് ഭാരവാഹികളായ റഫീഖ് കരുളായി, മോയിന്‍കുട്ടി മുണ്ടോടന്‍, മുര്‍ഷിദ് പുള്ളിയില്‍, കണ്‍വീനര്‍ അജീഷ്, ചെയര്‍മാന്‍ മുന്‍ഫര്‍ എന്നിവര്‍ നേതൃത്വം നല്‍കി.
ഫോട്ടോകള്‍: 1.കെ പി എസ് സോക്കറിലെ വിജയികളായ എഫ്സി ലെജന്‍ഡ്സ് വിന്നേഴ്‌സ് ട്രോഫി ഏറ്റു വാങ്ങുന്നു. 2.റണ്ണേഴ്സ് ട്രോഫി യുണൈറ്റഡ് എഫ്സി ടീം സ്വീകരിക്കുന്നു.
.jpg)
