മലയാളത്തിലെ ജനപ്രിയരായ ഒരു സംഘം അഭിനേതാക്കള്‍ കൂളിംഗ് ഗ്ലാസ്സും ധരിച്ച് പൊട്ടിച്ചിരിയോടെ സന്തോഷത്തിന്റെ മുഹൂര്‍ത്തങ്ങള്‍ പങ്കിടുന്ന കനതുകകരമായ പോസ്റ്ററോടെ സുമതി വളവ് എന്ന ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുറത്തുവിട്ടു. വിഷ്ണു ശശിശങ്കര്‍ സംവിധാനം ചെയ്യുന്ന ഈ ചിത്രത്തിന്റെ ചിത്രീകരണം പാലക്കാട്ടെ കൊല്ലങ്കോട്, നെന്‍മാറ, ഗ്രാമങ്ങളിലും, പൊള്ളാച്ചിയിലുമായി നടന്നു വരുന്നു. വന്‍വിജയം നേടിയ മാളികപ്പുറത്തിനു ശേഷം വിഷ്ണു ശശിശങ്കര്‍ സംവിധാനം ചെയ്യുന്ന ചിത്രമെന്ന നിലയിലും സുമതി വളവിന്റെ പ്രാധാന്യം വര്‍ധിക്കുന്നു. മാളികപ്പുറത്തിനു തിരക്കഥ രചിച്ച അഭിലാഷ് പിള്ള തന്നെയാണ് ഈ ചിത്രത്തിന്റെയും തിരക്കഥ രചിച്ചിരിക്കുന്നത്.
നാട്ടില്‍ ഏറെ ചര്‍ച്ചാവിഷയമാകുകയും ഭയത്തിന്റെയും, ദുരൂഹതകളുടേയും പശ്ചാത്തലവുമുള്ള സുമതി വളവിന്റെ പിന്നാമ്പുറങ്ങളിലേക്കാണ് ഈ ചിത്രം കടന്നുചെല്ലുന്നത്. ത്രില്ലര്‍ സ്വഭാവമാണ് ചിത്രത്തിലുള്ളത്. എന്നാല്‍ ചിരിയും, ചിന്തയും സന്തോഷവും പകരുന്ന ഒരു പശ്ചാത്തലംകൂടി ഈ ചിത്രത്തിലുണ്ടന്ന് വ്യക്തമാക്കുന്നതാണ് പോസ്റ്റര്‍്. നര്‍മ്മവും, ഹൊറര്‍ ത്രില്ലറുമൊക്കെ കൂട്ടിച്ചേര്‍ത്ത ഒരു ക്ലീന്‍ എന്റെര്‍ടൈനറാണ് ഈ ചിത്രം.
വാട്ടര്‍മാന്‍ ഫിലിംസ് ഇന്‍ അസ്സോസ്സിയേഷന്‍ വിത്ത് തിങ്ക് സ്റ്റുഡിയോസ്സാണ് നിര്‍മാതാക്കള്‍. മൂന്നുകാലഘട്ടങ്ങളിലായിട്ടാണ് ചിത്രത്തിന്റെ കഥാ പുരോഗതി.
അര്‍ജുന്‍ അശോകന്‍, സൈജുക്കുറുപ്പ്, ബാലു, വര്‍ഗീസ്, ഗോകുല്‍ സുരേഷ്. ശ്രാവണ്‍ മുകേഷ്, നന്ദു കോട്ടയം, രമേഷ് ശ്രീജിത്ത് രവി, സാദിഖ്, ബോബി കുര്യന്‍ (പണി ഫെയിം) ഗോപികാ അനില്‍, സ്മിനു സിജോ, ജസ്ന ജയദീഷ്, സിജോ റോസ്, അനിയപ്പന്‍, ജയകൃഷ്ണന്‍, ശിവദ, ജൂഹി ജയകുമാര്‍, സുമേഷ് ചന്ദ്രന്‍, ഗീതി സംഗീത, സന്ധിപ്, മനോജ് കുമാര്‍, അശ്വതി അഭിലാഷ്, ജയ്‌റാവു എന്നിവരാണു താരനിരയിലെ പ്രമുഖര്‍.
സംഗീതം - രഞ്ജിന്‍ രാജ്. ശങ്കര്‍ പി.വി. ഛായാഗ്രഹണവും ഷഫീഖ് മുഹമ്മദ് അലി എഡിറ്റിംഗും നിര്‍വ്വഹിക്കുന്നു. കലാസംവിധാനം - അജയ് മങ്ങാട്. മേക്കപ്പ് - ജിത്തു പയ്യന്നൂര്‍. കോസ്റ്റ്യും - ഡിസൈന്‍ സുജിത് മട്ടന്നൂര്‍. പ്രൊഡക്ഷന്‍ മാനേജര്‍ നികേഷ് നാരായണന്‍. പ്രൊഡക്ഷന്‍ എക്‌സിക്കുട്ടീവ് - ഷാജി കൊല്ലം. പ്രൊഡക്ഷന്‍ കണ്‍ട്രോളര്‍ - ഗിരീഷ് കൊടുങ്ങല്ലൂര്‍. പാലക്കാട്, കോതമംഗലം എന്നിവിടങ്ങളിലായി ചിത്രത്തിന്റെ ചിത്രീകരണം പൂര്‍ത്തിയാകും.
.jpg)
Related News
