പാലക്കാട്: സിനിമാ, നാടക നടി മീന ഗണേഷ് (81) നിര്യാതയായി. ഷൊര്‍ണൂരിലെ സ്വകാര്യ ആശുപത്രിയില്‍ പുലര്‍ച്ചെയായിരുന്നു അന്ത്യം. മസ്തിഷ്‌കാഘാതം സംഭവിച്ചതിനെ തുടര്‍ന്നു കഴിഞ്ഞ ഏതാനും ദിവസമായി ചികിത്സയിലായിരുന്നു. സംസ്‌കാരം വൈകിട്ട് ഷൊര്‍ണൂര്‍ ശാന്തീതീരത്ത്.
സിനിമാ നാടക നടന്‍ എ.എന്‍.ഗണേശിന്റെ ഭാര്യയാണ്. സംവിധായകന്‍ മനോജ് ഗണേഷ് മകനും, സംഗീത മകളുമാണ്. മരിമക്കള്‍: ബിന്ദു മനോജ്, സംഗീത ഉണ്ണികൃഷ്ണന്‍.
നൂറിലേറെ മലയാള സിനിമകളിലും ഒട്ടേറെ സീരിയലുകളിലും നാടകങ്ങളിലും അഭിനയിച്ചിട്ടുണ്ട്. വാസന്തിയും ലക്ഷ്മിയും പിന്നെ ഞാനും, നന്ദനം, കരുമാടിക്കുട്ടന്‍ തുടങ്ങിയ സിനിമകളില്‍ ശ്രദ്ധേയ വേഷങ്ങള്‍ ചെയ്തു. എസ്എല്‍ പുരം സൂര്യ സോമ, കായംകുളം കേരള തിയറ്റേഴ്‌സ്, തൃശൂര്‍ ചിന്മയി തുടങ്ങി കേരളത്തിലെ വിവിധ നാടക സമിതികളില്‍ അഭിനയിച്ച് ഒട്ടേറെ അവാര്‍ഡുകള്‍ കരസ്ഥമാക്കിയിട്ടുണ്ട്. 19ാം വയസ്സില്‍ ആദ്യ നാടകത്തില്‍ അഭിനയിച്ചു. ആദ്യ സിനിമ പി.എ.ബക്കറിന്റെ 'മണിമുഴക്കം'.
.jpg)
Related News
