ദോഹ: ശൈത്യകാലം തുടങ്ങിയതോടെ രാജ്യത്തെ മുതിര്‍ന്ന പൗരന്മാര് ഇന്‍ഫ്‌ലുന്‍സക്കെതിരായ വാര്‍ഷിക പ്രതിരോധ കുത്തിവെപ്പെടുക്കേണ്ടതിന്റെ പ്രാധാന്യം ആവര്‍ത്തിച്ച് ഹമദ് മെഡിക്കല്‍ കോര്‍പറേഷന്‍. രാജ്യത്തുടനീളമുള്ള 90-ലധികം സര്‍ക്കാര്‍, അര്‍ധ സര്‍ക്കാര്‍, സ്വകാര്യ ആരോഗ്യ സംരക്ഷണ കേന്ദ്രങ്ങളില്‍ സൗജന്യ പ്രതിരോധ കുത്തിവെപ്പ് ലഭ്യമാണെന്നും, പ്രത്യേകിച്ച് പ്രതിരോധ ശേഷി കുറഞ്ഞ ആളുകളില്‍ ഇന്‍ഫ്‌ളുവന്‍സ പ്രതിരോധ വാക്സിന് ഏറെ ഫലപ്രദമാണെന്നും എച്ച്.എം.സി-യിലെ മുതിര്‍ന്ന ആരോഗ്യ വിദഗ്ധര്‍ ചൂണ്ടിക്കാട്ടി.
ഇന്‍ഫ്‌ലുവന്‍സ പ്രായമായവരില്‍ ഗുരുതരമായ പ്രത്യാഘാതങ്ങള്‍ ഉണ്ടാക്കും. ഇത് പലപ്പോഴും രോഗാവസ്ഥയിലേക്കും ചിലപ്പോള്‍ മരണത്തിന് തന്നെ കാരണമാകുമെന്നും വിവിധ വകുപ്പുകളുടെ ചുമതലയുള്ള ആരോഗ്യ വിദഗ്ധന്‍ ഡോ. ഹനാദി ഖാമിസ് അല്‍ ഹമദ് ഓര്‍മിപ്പിച്ചു.
'ഇന്‍ഫ്‌ലുവന്‍സയുടെ ഗുരുതരമായ സങ്കീര്‍ണതകളില്‍ നിന്ന് മുതിര്‍ന്ന പൗരന്മാരെ സംരക്ഷിക്കുന്നതിനുള്ള ലളിതവും ഫലപ്രദവുമായ മാര്‍ഗ്ഗമാണ് ഫ്‌ലൂ ഷോട്ട്. ഗുരുതരമായ ആരോഗ്യ പ്രശ്‌നങ്ങളുള്ള പ്രായമുള്ളവവര്‍ പ്രതിരോധ കുത്തിവെപ്പെടുക്കേണ്ടത് നിര്‍ബന്ധമാണ്.' അല്‍ ഹമദ് പറഞ്ഞു. എച്ച്എംസിയില്‍ സാധാരണ അപ്പോയിന്മെന്റ് എടുത്ത് വരുന്ന രോഗികള്‍ ആവശ്യപ്പെട്ടാല്‍ ഫ്‌ലൂ വാക്സിന് പ്രതിരോധ കുത്തിവെപ്പെടുക്കാമെന്നും അദ്ദേഹം പറഞ്ഞു.
.jpg)
Related News
