ബുഡാപ്പെസ്റ്റ്: ഹംഗറിയില്‍ ജോലി ചെയ്യുന്ന മലയാളി യുവാവിനെ താമസ സ്ഥലത്ത് മരിച്ച നിലയില്‍ കണ്ടെത്തി. ഇടുക്കി കുമളി അമരാവതി പാറതൊട്ടിയില്‍ വീട്ടില്‍ സനല്‍ കുമാറിനെ (47) ആണ് മരിച്ചനിലയില്‍ കണ്ടെത്തിയത്. കഴിഞ്ഞ ദിവസം രാത്രി ജോലി കഴിഞ്ഞ് നാട്ടിലെ സുഹൃത്തുക്കളുമായി ഫോണില്‍ സംസാരിച്ചിരുന്നു. എന്നാല്‍ വീട്ടുകാര്‍ ഫോണില്‍ വിളിച്ചപ്പോള്‍ ലഭിച്ചിരുന്നില്ല. ഇതേത്തുടര്‍ന്ന് ഹംഗറിയിലുള്ള സുഹൃത്തുക്കളെ വീട്ടുകാര്‍ വിവരം അറിയിക്കുകയും അവര്‍ നടത്തിയ അന്വേഷണത്തില്‍ സനലിനെ കിടപ്പ് മുറിയില്‍ മരിച്ച നിലയില്‍ കണ്ടെത്തുകയുമായിരുന്നു. ഹംഗറി പൊലീസ് സ്ഥലത്തെത്തി അന്വേഷണം നടത്തി.
ഭാര്യ: റാണി. മക്കള്‍: ആര്യ പി.എസ് (മെഡിക്കല്‍ വിദ്യാര്‍ഥിനി തിരുവനന്തപുരം മെഡിക്കല്‍ കോളജ്), അശ്വന്‍.പി.എസ് (എന്‍ജിനീയറിങ് വിദ്യാര്‍ഥി കോതമംഗലം). സംസ്‌കാരം പിന്നീട്.
.jpg)
Related News
