ജറുസലേം: വെടിനിര്‍ത്തല്‍ ധാരണകള്‍ സംബന്ധിച്ച പ്രഖ്യാപനം പുറത്തുവന്നതിന് പിന്നാലെയും ഇസ്രായേലിന് നേരെ ഇറാന്‍ മിസൈലുകള്‍ തൊടുത്തുവിട്ടു. ഇറാന്റെ ഭാഗത്തുനിന്നും മിസൈല്‍ ആക്രമണം ഉണ്ടായതായി ഇസ്രായേല്‍ സൈന്യം സ്ഥിരീകരിച്ചു. ഇസ്രായേലിന്റെ മിസൈല്‍ പ്രതിരോധ സംവിധാനങ്ങള്‍ സജീവമാണെന്നും ഭീഷണികളെ നേരിട്ടുവരികയാണെന്നും സൈന്യം അറിയിച്ചു. ജറുസലേമിലും വെസ്റ്റ് ബാങ്കിലെ ജെറിക്കോയിലും ശക്തമായ സ്‌ഫോടന ശബ്ദങ്ങള്‍ കേട്ടതായി വാര്‍ത്താ ഏജന്‍സിയായ എഎഫ്പി റിപ്പോര്‍ട്ട് ചെയ്തു. മിസൈല്‍ മുന്നറിയിപ്പുള്ള മേഖലകളില്‍ താമസിക്കുന്നവര്‍ ഉടന്‍ തന്നെ ബോംബ് ഷെല്‍ട്ടറുകളിലേക്ക് മാറണമെന്ന് ഇസ്രായേല്‍ സൈന്യം നിര്‍ദ്ദേശിച്ചു.
ഇറാനെതിരെയുള്ള വ്യോമാക്രമണങ്ങള്‍ രണ്ട് ആഴ്ചത്തേക്ക് നിര്‍ത്തിവെക്കാനുള്ള യുഎസ് പ്രസിഡന്റ് ഡൊണാള്‍ഡ് ട്രംപിന്റെ തീരുമാനത്തെ അനുകൂലിച്ച് മുന്‍ ഇസ്രായേല്‍ അംബാസഡര്‍ ഡാന്‍ ഷാപ്പിറോ രംഗത്തെത്തി. നിലവിലെ സാഹചര്യത്തില്‍ ലഭ്യമായ ഏറ്റവും മികച്ച പോംവഴിയാണ് ട്രംപ് സ്വീകരിച്ചതെന്ന് അദ്ദേഹം പറഞ്ഞു. ഇറാനിലെയും ഗള്‍ഫ് രാജ്യങ്ങളിലെയും സിവിലിയന്‍ കേന്ദ്രങ്ങള്‍ തകര്‍ക്കപ്പെടുന്നതും ആഗോള സാമ്പത്തിക തകര്‍ച്ചയും ഒഴിവാക്കാന്‍ ഈ തീരുമാനം അനിവാര്യമായിരുന്നുവെന്ന് അദ്ദേഹം ചൂണ്ടിക്കാട്ടി.
.jpg)
Related News
