മനാമ: ബഹ്റൈന്‍ കെ.എം.സി.സി പ്രസിഡന്റ് ഹബീബ്‌റഹ്‌മാന്റെ ഭാര്യ യസീന (40) ഹൃദയാഘാതംമൂലം നിര്യാതയായി. പുലര്‍ച്ചെ 3 മണിയോടെ ബഹ്റൈനിലെ താമസസ്ഥലത്ത് വെച്ചായിരുന്നു മരണം. ഭൗതികശരീരം നാട്ടിലെത്തിച്ച് സംസ്‌കരിക്കും. കെ.എം.സിസി ബഹ്റൈന്‍ മയ്യത്ത് പരിപാലന വിങ്ങിന്റെ നേതൃത്വത്തിലാണ് നടപടിക്രമങ്ങള്‍ നടത്തുന്നത്.

മലപ്പുറം പെരിന്തല്‍മണ്ണ പട്ടിക്കാട് പറമ്പൂര്‍ സ്വദേശി അബ്ദുസ്സമദിന്റെയും നസീമയുടെയും മകളാണ്. ഷദ ഹബീബ്, ദിയ ഹബീബ്, ദിഫ ഹബീബ്, ദിന ഹബീബ് എന്നിവര്‍ മക്കളാണ്. സഹോദരങ്ങള്‍ അജീഷ്, റജീഷ്.

പാണക്കാട് സയ്യിദ് സാദിഖ് അലി ശിഹാബ് തങ്ങള്‍, പി.കെ. കുഞ്ഞാലിക്കുട്ടി, പ്രതിപക്ഷ നേതാവ് വി.ഡി. സതീശന്‍, സയ്യിദ് മുനവ്വറലി ശിഹാബ് തങ്ങള്‍, ഡോ. എം കെ മുനീര്‍, പാണക്കാട് സയ്യിദ് ബഷീര്‍ അലി ശിഹാബ് തങ്ങള്‍, സയ്യിദ് അബ്ബാസ് അലി ശിഹാബ് തങ്ങള്‍, ഹമീദലി ശിഹാബ് തങ്ങള്‍ എന്നിവരും കെ.എം.സി.സി ബഹ്റൈന്‍ സംസ്ഥാന, ജില്ല, ഏരിയ മണ്ഡലം പഞ്ചായത്ത് കമ്മിറ്റികളും ബഹ്‌റൈനിലെ വിവിധ സാമൂഹിക, സാംസ്‌കാരിക, മത രംഗങ്ങളിലെ നേതാക്കളും യസീനയുടെ നിര്യാണത്തില്‍ അനുശോചിച്ചു.