റിയാദ്- സാംസ്കാരിക മേഖലയില് ഇന്ത്യയുമായും, ലാഭേച്ഛയില്ലാത്ത പ്രവര്ത്തനങ്ങളില് ഖത്തറുമായും സഹകരിക്കുന്നതിനുള്ള ധാരണാപത്രങ്ങള് സൗദി ശൂറ കൗണ്സില് അംഗീകരിച്ചു. നിര്മ്മിത ബുദ്ധി, ഡാറ്റാ സൊല്യൂഷനുകള് എന്നിവയില് ലോക ബൗദ്ധിക സ്വത്തവകാശ സംഘടനയുമായി സഹകരിക്കാനും തീരുമാനമായി. പരമ്പരാഗത കലകള്ക്കായുള്ള റോയല് ഇന്സ്റ്റിറ്റ്യൂട്ടിന്റെ പ്രവര്ത്തനങ്ങള് വിപുലീകരിക്കാനും അവയുടെ സാമ്പത്തിക-സാമൂഹിക സ്വാധീനം വിലയിരുത്താനുള്ള സംവിധാനങ്ങള് ഒരുക്കാനും യോഗം നിര്ദ്ദേശിച്ചു.
ഭിന്നശേഷിക്കാര്ക്കുള്ള സേവനങ്ങളെക്കുറിച്ചും യോഗത്തില് സജീവമായ ചര്ച്ചകള് നടന്നു. ഭിന്നശേഷിക്കാര്ക്ക് ചക്രക്കസേരകള്, ശ്രവണസഹായികള്, കൃത്രിമ അവയവങ്ങള് തുടങ്ങിയ ഉപകരണങ്ങള് ലഭ്യമാക്കേണ്ടതിന്റെ പ്രാധാന്യം അംഗമായ ഡോ. ഇബ്രാഹിം അല്-ഹദീദി ചൂണ്ടിക്കാട്ടി. വിദൂര ഗവര്ണറേറ്റുകളില്നിന്ന് ആശുപത്രികളിലേക്ക് ഭിന്നശേഷിക്കാര്ക്ക് സൗജന്യമോ സബ്സിഡി നിരക്കിലോ ഉള്ള ഗതാഗത സൗകര്യം ഏര്പ്പെടുത്തണമെന്നും, സഞ്ചരിക്കുന്ന പുനരധിവാസ കേന്ദ്രങ്ങള് സ്ഥാപിക്കണമെന്നും ഡോ. അമല് അല്-ഹസാനി ആവശ്യപ്പെട്ടു. സേവനങ്ങളുടെ വേഗവും സുതാര്യതയും വര്ധിപ്പിക്കുന്നതിന് സര്ക്കാര് ഏജന്സികള് നിശ്ചിത സമയപരിധിക്കുള്ളില് തീരുമാനങ്ങള് എടുക്കണമെന്ന നിര്ദ്ദേശവും യോഗത്തില് ഉയര്ന്നു.
Related News
