ദുബായ്: സൗദി അറേബ്യയെയും ബഹ്റൈനെയും തമ്മില്‍ ബന്ധിപ്പിക്കുന്ന പ്രധാന പാലമായ കിംഗ് ഫഹദ് കോസ്വേ, ഇറാന്റെ ആക്രമണ ഭീഷണിയെത്തുടര്‍ന്ന് ചൊവ്വാഴ്ച പുലര്‍ച്ചെ അടച്ചു.

കിംഗ് ഫഹദ് കോസ്വേ അതോറിറ്റിയാണ് ഇതുസംബന്ധിച്ച അറിയിപ്പ് പുറത്തുവിട്ടത്. സൗദി അറേബ്യയുടെ കിഴക്കന്‍ പ്രവിശ്യയെ ലക്ഷ്യമിട്ട് ഇറാന്‍ നടത്തുന്ന ആക്രമണങ്ങളുടെ പശ്ചാത്തലത്തില്‍ 'മുന്‍കരുതല്‍ നടപടി' എന്ന നിലയിലാണ് വാഹനഗതാഗതം താല്‍ക്കാലികമായി നിര്‍ത്തിവെച്ചതെന്ന് അധികൃതര്‍ വ്യക്തമാക്കി. അമേരിക്കന്‍ നാവികസേനയുടെ അഞ്ചാം കപ്പല്‍പ്പടയുടെ ആസ്ഥാനമായ ബഹ്റൈനെ അറേബ്യന്‍ ഉപദ്വീപുമായുള്ള കരമാര്‍ഗം ബന്ധിപ്പിക്കുന്ന ഏക വഴിയാണ് 15.5 മൈല്‍ നീളമുള്ള ഈ പാലം.

ഈ പാലത്തിലൂടെ പ്രതിദിനം ശരാശരി 30,000 മുതല്‍ 40,000 വരെ വാഹനങ്ങള്‍ കടന്നുപോകാറുണ്ട്. എന്നാല്‍ വാരാന്ത്യങ്ങളിലും (ണലലസലിറ)െ മറ്റ് വിശേഷദിവസങ്ങളിലും ഈ എണ്ണം ഗണ്യമായി വര്‍ദ്ധിക്കാറുണ്ട്. 2024-ലെ കണക്കുകള്‍ പ്രകാരം ഏകദേശം 1.3 കോടി വാഹനങ്ങളാണ് ആ വര്‍ഷം ഈ പോലത്തിലൂടെ കടന്നു പോയത്. ഏകദേശം 3 കോടിയോളം യാത്രക്കാര്‍ ഒരു വര്‍ഷം ഇതിലൂടെ സഞ്ചരിക്കുന്നുവെന്നാണ് കണക്ക്

ഇറാന്‍ അടച്ചുപൂട്ടിയ ഹോര്‍മുസ് കടലിടുക്ക് വീണ്ടും തുറക്കണമെന്ന് അമേരിക്കന്‍ പ്രസിഡന്റ് ഡൊണാള്‍ഡ് ട്രംപ് അന്ത്യശാസനം നല്‍കിയിരിക്കുകയാണ്. ചൊവ്വാഴ്ച രാത്രി 8 മണിക്കുള്ളില്‍ കടലിടുക്ക് തുറന്നില്ലെങ്കില്‍ ഇറാനിലെ വൈദ്യുതി നിലയങ്ങളും പാലങ്ങളും ബോംബിട്ട് തകര്‍ക്കുമെന്നാണ് ട്രംപിന്റെ ഭീഷണി. എന്നാല്‍ ഈ ഭീഷണിക്ക് വഴങ്ങാന്‍ ഇറാന്‍ തയാറായിട്ടില്ല. അതിനാല്‍ ഗള്‍ഫ് മേഖലയില്‍ വരും മണിക്കൂറുകളില്‍ എന്തും സംഭവിക്കാവുന്ന അവസ്ഥയാണുളളത്.