ന്യൂഡല്ഹി- ചെങ്കോട്ടക്ക് സമീപം നടന്ന ചാവേറാക്രമണത്തിനു പിന്നാലെ ആഭ്യന്തരമന്ത്രി അമിത് ഷായുടെ വീട്ടില് ഉന്നതതല യോഗം. സുരക്ഷാ ഏജന്സി തലവന്മാര് യോഗത്തില് പങ്കെടുക്കുന്നു. ഇന്ന് ഇത് രണ്ടാം തവണയാണ് യോഗം ചേരുന്നത്. രാവിലേയും ആഭ്യന്തരമന്ത്രിയുടെ അധ്യക്ഷതയില് ഉന്നതതല യോഗം ചേര്ന്നിരുന്നു.
ആഭ്യന്തര സെക്രട്ടറിയും സുരക്ഷാ ഏജന്സികളുടെ തലവന്മാരും യോഗത്തില് പങ്കെടുക്കുന്നുണ്ട്. സ്ഫോടനക്കേസ് എന്.ഐ.എ ഏറ്റെടുത്തതിനു പിന്നാലെയാണ് ഉന്നതതല യോഗം ചേന്നത്. ഐബി തലവന്, ഡല്ഹി പോലീസ് കമ്മിഷണര്, എന്.ഐ.എ ഡി.ജി തുടങ്ങിയവര് യോഗത്തില് പങ്കെടുക്കുന്നുണ്ട്.
ചെങ്കോട്ടയില് ഉണ്ടായത് ഭീകരാക്രമണമെന്നാണ് സര്ക്കാര് വ്യക്തമാക്കുന്നത്. യു.എ.പി.എ അടക്കമുള്ള വകുപ്പുകള് ചേര്ത്താണ് ഡല്ഹി പോലീസ് കേസെടുത്തത്. ഇതിന് പിന്നാലെ എന്.ഐ.എ കേസ് ഏറ്റെടുത്തിരുന്നു. സംഭവസ്ഥലത്ത് എന്ഐഎ സംഘം എത്തി പരിശോധന നടത്തി. സംശയാസ്പദമായി കസ്റ്റഡിയില് എടുത്തവരെ ചോദ്യം ചെയ്തു വരുന്നതായാണ് വിവരം.
അംഗോളയില് ഉള്ള രാഷ്ട്രപതി ദ്രൗപദി മുര്മു ആഭ്യന്തര മന്ത്രി അമിത് ഷായെ വിളിച്ച് സ്ഥിതിഗതികള് വിലയിരുത്തി. സ്ഫോടനത്തിനുപിന്നാലെ രാജ്യ തലസ്ഥാനത്തും വിവിധയിടങ്ങളിലും ഏര്പ്പെടുത്തിയ സുരക്ഷാ ക്രമീകരണങ്ങളെക്കുറിച്ച് അമിത് ഷാ രാഷ്ട്രപതിയെ അറിയിച്ചു.
Related News
