കോഴിക്കോട്: ലോകത്തെ ഏറ്റവും വലിയ ട്രേഡ് ഫെയറായ ചൈന കാന്റണ് ഫെയറിന്റെ ഇന്ത്യയിലെ ഔദ്യോഗിക പാര്ട്ണര്മാരായ ഗോഖൈര് ട്രാവല്സ് കോഴിക്കോട് സംഘടിപ്പിച്ച 'കാന്റണ് ട്രേഡ് ബ്രിഡ്ജ്' സമാപിച്ചു. സംരംഭകര്, വ്യവസായ പ്രമുഖര്, വ്യാപാര സംഘടനള്, പൗരപ്രമുഖര് തുടങ്ങിയവരുടെ വലിയ പങ്കാളിത്തം 'കാന്റണ് ട്രേഡ് ബ്രിഡ്ജ്' നെ ശ്രദ്ധേയമാക്കി.
ചൈനയില് നിന്നുള്ള കാന്റണ് ഫെയര് അധികൃതര് പരിപാടിയിലുടനീളം വിര്ച്വലായി പങ്കെടുത്തു. അവരുടെ സാന്നിധ്യവും പ്രതിബദ്ധതയും ഈ പരിപാടിക്ക് അന്താരാഷ്ട്ര ഗൗരവം നല്കി. ഇന്ത്യയും കാന്റണ് ഫെയറും തമ്മിലുള്ള ശക്തമായ ബന്ധത്തിന്റെ തെളിവുകൂടിയായി കാന്റണ് ട്രേഡ് ബ്രിഡ്ജ്.
ചെനയിലെ ഇന്ത്യന് കോണ്സല് ജനറലായിരുന്ന മുരളീധരന് നായര് ഉദ്ഘാടനം ചെയ്തു. ഇന്ത്യ-ചൈന വ്യാപാര ബന്ധങ്ങള് കൂടുതല് മെച്ചപ്പെടുന്നതിന്റെ സാഹചര്യങ്ങളെക്കുറിച്ചും ഇന്ത്യന് വ്യവസായികള്ക്കുള്ള വിപുലമായ സാധ്യതകളെക്കുറിച്ചും അദ്ദേഹം മുഖ്യപ്രഭാഷണത്തില് വിശദീകരിച്ചു.
പ്രൊ. വിപിന് (ഐഐഎം കോഴിക്കോട്), നിത്യ ആനന്ദ് (പ്രസിഡന്റ്, മലബാര് ചേംബര് ഓഫ് കൊമേഴ്സ്), മുന്ഷിദ് അലി (എക്സ്പോര്ട്ട് അസോസിയേഷന്), ആഷിക് (ആഷിക് അസോസിയേറ്റ്സ്) എന്നിവര് പാനല് ചര്ച്ചകളില് പങ്കെടുത്ത് ഉറവിടങ്ങള്, നവീകരണം, ആഗോള വ്യാപാര പ്രവണതകള് തുടങ്ങിയ വിഷയങ്ങളില് വിലയേറിയ അഭിപ്രായങ്ങള് പങ്കുവച്ചു.
ഗോഖൈര് ജനറല് മാനേജര് പി.കെ സീഹാന് ഇന്ത്യന് വ്യവസായികള്ക്ക് കാന്റണ് ഫെയറിലേക്കുള്ള യാത്ര എങ്ങനെ കൂടുതല് ഫലപ്രദമാക്കാമെന്ന് വിശദീകരിച്ചു. കാന്റണ് ട്രേഡ് ബ്രിഡ്ജ് 2025 ആഗോള വ്യാപാര അവസരങ്ങളിലേക്കുള്ള ഒരു പാലമാണെന്നും കാന്റണ് ഫെയര് ഉദ്യോഗസ്ഥരുടെ തുടര്ച്ചയായ സാന്നിധ്യം പരിപാടിക്ക് അന്താരാഷ്ട്ര പരിവേഷം നല്കിയെന്നും ഇതു ആത്മവിശ്വാസം നല്കുന്നതാണെന്നും ഗോഖൈര് മാനേജിംഗ് ഡയറക്ടര് പി.കെ ബഷീര് പറഞ്ഞു.
ചൈനയില് നിന്നുള്ള കാന്റണ് ഫെയര് ഉദ്യോഗസ്ഥരുടെ മുഴുവന് സമയ സാന്നിധ്യം, 150 ലേറെ പ്രതിനിധികളുടെ സാന്നിധ്യം, ഭാവിയിലെ വ്യാപാര സാധ്യതകളില് ഊന്നിയുള്ള പാനല് ചര്ച്ചകള് എന്നിവയെല്ലാം സംഗമത്തിന്റെ പ്രത്യേകതകളായിരുന്നു. ചരിത്രപ്രാധാന്യമുള്ള വ്യാപാര കവാടമായ കോഴിക്കോട് ആഗോള ബിസിനസ് ബന്ധങ്ങളുടെ പുതിയ കേന്ദ്രമായി മാറുന്നതിനുള്ള അവസരം കൂടിയായി കാന്റണ് ട്രേഡ് ബ്രിഡ്ജ്.
