പാലക്കാട്: ഗ്ലോബല്‍ കേരള പ്രവാസി അസോസിയേഷന്‍ (GKPA) പാലക്കാട് ജില്ലാ എക്‌സിക്യൂട്ടീവ് കമ്മിറ്റിയുടെയും, ജില്ലാ സമ്മേളന വരവ്-ചെലവ് കണക്കുകളുടെ അവതരണവും പുതിയ ഭാരവാഹികളെ തിരഞ്ഞെടുക്കുന്നതിനായുള്ള ജില്ലാ അഡ്മിന്‍ സമ്മേളനവും ചെര്‍പ്പുളശ്ശേരി ശബരി ഹാളില്‍ നടന്നു.
സംഘടനയുടെ ജില്ലാതല പ്രവര്‍ത്തനം കൂടുതല്‍ ശക്തിപ്പെടുത്തുന്നതിന്റെ ഭാഗമായി നടന്ന പ്രതിനിധി സമ്മേളനത്തില്‍ ജില്ലയിലെ വിവിധ താലൂക്കുകളില്‍ നിന്നുള്ള അംഗങ്ങള്‍ പങ്കെടുത്തു. പ്രസിഡന്റ് കെ.കെ.എം. ബഷീര്‍ കാറല്‍മണ്ണ സമ്മേളനം ഉദ്ഘാടനം ചെയ്തു. ജില്ലാ സെക്രട്ടറി ഷൈഫുദീന്‍ മങ്കര വരവ്-ചെലവ് കണക്കുകള്‍ അവതരിപ്പിച്ചു.
കെ.കെ.എം. ബഷീര്‍ കാറല്‍മണ്ണ (പ്രസിഡന്റ്), ഷൈഫുദീന്‍ മങ്കര (സെക്രട്ടറി), ബാലകൃഷ്ണന്‍ കല്‍പ്പാത്തി (ട്രഷറര്‍), വി.കെ. ഉണ്ണിക്കമ്മു കല്ലടി, സാദിഖ് മൂപ്പന്‍ ആലത്തൂര്‍, സുധീര്‍ പട്ടാമ്പി (വൈസ് പ്രസിഡന്റുമാര്‍), സൈഫുദ്ദീന്‍ കുഴല്‍മന്നം, കുഞ്ഞു മരക്കാര്‍ പടിഞ്ഞാറങ്ങാടി, മധു തെങ്കര (ജോയിന്റ് സെക്രട്ടറിമാര്‍), സുബ്രമണ്യന്‍ തരേക്കാട് (മെമ്പര്‍ഷിപ്പ് സെക്രട്ടറി), കബീര്‍ പാലക്കാട് (മീഡിയ കോ-ഓര്‍ഡിനേറ്റര്‍), ഷക്കീര്‍ മങ്കര (പ്രോജക്റ്റ് കോ-ഓര്‍ഡിനേറ്റര്‍) എന്നിവരെ പുതിയ ജില്ലാ കമ്മിറ്റി ഭാരവാഹികളായി തിരഞ്ഞെടുത്തു. ശങ്കരനാരായണന്‍ കൂറ്റനാട്, ഹബീബ് റഹ്‌മാന്‍ കൂടല്ലൂര്‍ എന്നിവരാണ് സംസ്ഥാന പ്രതിനിധികള്‍.
പ്രവാസികളുടെ അവകാശങ്ങള്‍ സംരക്ഷിക്കുന്നതിനും, പെന്‍ഷന്‍ അടക്കമുള്ള ക്ഷേമപ്രവര്‍ത്തനങ്ങള്‍ മെച്ചപ്പെടുത്തുന്നതിനും പുതിയ കമ്മിറ്റി മുന്‍ഗണന നല്‍കുമെന്ന് ഭാരവാഹികള്‍ അറിയിച്ചു. പ്രവാസികളുടെ വിവിധ ആവശ്യങ്ങള്‍ ഉന്നയിച്ച് മുഖ്യമന്ത്രിക്ക് നേരിട്ട് നിവേദനം നല്‍കുന്നതുള്‍പ്പെടെയുള്ള കര്‍മ്മപദ്ധതികള്‍ക്കും യോഗം രൂപം നല്‍കി.
സംസ്ഥാന ജനറല്‍ സെക്രട്ടറി ശങ്കരനാരായണന്‍ കൂറ്റനാട്, സംസ്ഥാന വൈസ് പ്രസിഡന്റ് ഹബീബ് റഹ്‌മാന്‍ കൂടല്ലൂര്‍ എന്നിവര്‍ യോഗം നിയന്ത്രിച്ചു. വിവിധ താലൂക്ക് തല ഭാരവാഹികള്‍ സംസാരിച്ചു. പുതിയ ട്രഷറര്‍ ബാലകൃഷ്ണന്‍ കല്‍പ്പാത്തി നന്ദി രേഖപ്പെടുത്തി.
സംഘടനയുടെ പ്രവര്‍ത്തനങ്ങളുമായി സഹകരിക്കാനും അംഗത്വമെടുക്കാനും ആഗ്രഹിക്കുന്നവര്‍ക്ക് 81568 73266 (സെക്രട്ടറി), 81569 89045 (പ്രസിഡന്റ്) എന്നീ നമ്പറുകളില്‍ ബന്ധപ്പെടാവുന്നതാണ്.
Related News
