നെടുമ്പാശ്ശേരി: കേരളത്തെ വീണ്ടെടുക്കാന്‍ പ്രതിപക്ഷ നേതാവ് വി ഡി സതീശന്‍ നയിക്കുന്ന പുതുയുഗ യാത്രയ്ക്ക് ആലുവയില്‍ സ്വീകരണം നല്‍കാനും, യാത്ര വന്‍ വിജയമാക്കുന്നതിനും കേരള പ്രദേശ് പ്രവാസി കോണ്‍ഗ്രസ് നെടുമ്പാശ്ശേരി ബ്ലോക്ക് കമ്മിറ്റി യോഗം തീരുമാനിച്ചു. കേരളത്തെ സമസ്ത മേഖലയിലും പുറകോട്ട് അടിക്കുന്ന, അഴിമതിയും, വിലക്കയറ്റം കൊണ്ട് ജനങ്ങളെ പൊറുതി മുട്ടിക്കുകയും, പ്രവാസികളെയും, തിരിച്ചുവന്ന പ്രവാസികളെയും അവഗണിക്കുന്ന എല്‍ഡിഎഫ് സര്‍ക്കാരിനെതിരെയാണ് ഈ യാത്ര. യാത്രയെ കേരളത്തിലെ ജനങ്ങള്‍ ഏറ്റെടുത്തതിന്റെ തെളിവാണ് യാത്രയില്‍ ഉടനീളം ഉള്ള വന്‍ ജനപങ്കാളിത്തം. യുഡിഎഫിന്റെ പ്രകടന പത്രിയില്‍ ഉള്‍പ്പെടുത്താന്‍ പ്രവാസികളുടെ വിവിധ വിഷയങ്ങള്‍ ഉന്നയിച്ച് പ്രതിപക്ഷ നേതാവിന് നിവേദനം നല്‍കാനും യോഗം തീരുമാനിച്ചു.
യോഗത്തില്‍ പ്രവാസി കോണ്‍ഗ്രസ് ബ്ലോക്ക് പ്രസിഡന്റ് പി.കെ സെബാസ്റ്റ്യന്‍ അധ്യക്ഷത വഹിച്ചു. പ്രവാസി കോണ്‍ഗ്രസ് സംസ്ഥാന സെക്രട്ടറി ബിജു കെ മുണ്ടാടന്‍ യോഗം ഉദ്ഘാടനം ചെയ്തു. ജില്ലാ ജനറല്‍ സെക്രട്ടറി രാജി ആന്റണി, മണ്ഡലം പ്രസിഡന്റ് മാരായ അബ്ദു കുന്നിശ്ശേരി (നെടുമ്പാശ്ശേരി), ഇസ്മായില്‍ (ചെങ്ങമനാട്), അനില്‍കുമാര്‍ (കാഞ്ഞൂര്‍), സുലൈമാന്‍ കോട്ടപ്പുറത്ത് (ശ്രീമൂലനഗരം), ബിജു പയ്യപ്പിള്ളി, സെബി സെബാസ്റ്റ്യന്‍, വിശ്വേശ്വരന്‍ സി കെ, ജോര്‍ജ് കുറിയേടന്‍, നവാസ് അലി,ബഷീര്‍ പി എസ്, ജോബ് കാഞ്ഞൂര്‍, ധനേഷ് പറമ്പുശ്ശേരി, എല്‍ദോ പൈനാടന്‍, കെ.പി.സിദ്ദിക്ക്, ബെന്നി അറക്കല്‍, ഷാഗി പോള്‍, അനില്‍ തെക്കേക്കര തുടങ്ങിയവര്‍ സംസാരിച്ചു.
Related News
