വാഴക്കാട് : 'ഇഫ്താറിന് അറബ് നാട്ടിലെ കാരക്കയും പാവപ്പെട്ട രോഗികള്‍ക്ക് ആശ്വാസവും' എന്ന ശീര്‍ഷകത്തില്‍ കെഎംസിസി ഹരിത സാന്ത്വനം ആതുര സേവ കേന്ദ്രത്തിന്റെ ധന ശേഖരണാര്‍ത്ഥം വാഴക്കാട് പഞ്ചായത്ത് കെഎംസിസി തമര്‍ ചലഞ്ച് നടത്തി. ഹരിത സാന്ത്വനം പ്രസിഡന്റ് കൂടിയായ മുസ്ലിം ലീഗ് ദേശീയ ഓര്‍ഗനൈസിംഗ് സെക്രട്ടറി ഇ.ടി മുഹമ്മദ് ബഷീര്‍ എംപി വിതരണോത്ഘാടനം നിര്‍വഹിച്ചു. സൗജന്യ ഫിസിയോ തെറാപി സെന്റര്‍ ഉള്‍പ്പെടെയുള്ള ഹരിത സാന്ത്വനത്തിന്റെ കാരുണ്യ പ്രവര്‍ത്തനങ്ങള്‍ക്ക് സഹായകരമായ തമര്‍ ചലഞ്ച് വിജയിപ്പിച്ചവര്‍ക്ക് അദ്ദേഹം നന്ദി അറിയിച്ചു.

യൂത്ത് ലീഗ് ദേശീയ സെക്രട്ടറിയും ഹരിത സാന്ത്വനം ജനറല്‍ സെക്രട്ടറിയുമായ സികെ ശാക്കിര്‍ അധ്യക്ഷത വഹിച്ചു. മുസ്ലിം ലീഗ് പഞ്ചായത്ത് പ്രസിഡന്റ് എംസി സിദ്ദിഖ് മാസ്റ്റര്‍ ആദ്യ ബോക്‌സ് ഏറ്റുവാങ്ങി. മണ്ഡലം സെക്രട്ടറി ടിപി അഷ്റഫ്, പഞ്ചായത്ത് സെക്രട്ടറി ആര്‍.പി ഹാരിസ്, എക്‌സല്‍ ജമാല്‍, കരീം വെട്ടത്തൂര്‍, ഹകീം മാസ്റ്റര്‍, മുനീര്‍ എളമരം ചടങ്ങില്‍ സംബന്ധിച്ചു.

ഫോട്ടോ :
കെഎംസിസി ഹരിത സാന്ത്വനം ആതുര സേവ കേന്ദ്രത്തിന്റെ ധന ശേഖരണാര്‍ത്ഥം വാഴക്കാട് പഞ്ചായത്ത് കെഎംസിസി നടത്തിയ 'തമര്‍ ചലഞ്ച്'വിതരണോദ്ഘാടനം ഇ.ടി മുഹമ്മദ് ബഷീര്‍ എംപി നിര്‍വഹിക്കുന്നു.