റിയാദ്: റിയാദിലെ കോഴിക്കോട്ടുകാരുടെ കൂട്ടായ്മയായ 'കോഴിക്കോടന്‍സി'ന് പുതിയ നേതൃത്വം. ചീഫ് ഓര്‍ഗനൈസറായി ഷാജു.കെ.സിയെയും അഡ്മിന്‍ ലീഡായി നിഹാദ് അന്‍വറിനെയും ഫിനാന്‍സ് ലീഡായി കെ.പി റയീസിനെയും തെരഞ്ഞെടുത്തു. മലസ് അല്‍മാസ് ഓഡിറ്റോറിയത്തില്‍ നടന്ന എക്‌സിക്യൂട്ടീവ് യോഗത്തില്‍ കോഴിക്കോടന്‍സ് ഫൗണ്ടര്‍ അംഗങ്ങളായ നാസര്‍ കാരന്തൂര്‍, മിര്‍ഷാദ് ബക്കര്‍, ഫൈസല്‍ വടകര എന്നിവര്‍ തെരഞ്ഞെടുപ്പ് നിയന്ത്രിച്ചു.
മറ്റു ലീഡുമാരായി മുഹമ്മദ് ആഷിഫ് (പ്രോഗ്രാം), മുഹമ്മദ് ഷഹീന്‍ (ഫാമിലി), അബ്ദുല്‍ റഷീദ് പൂനൂര്‍ (ചില്‍ഡ്രന്‍ & എജ്യുഫണ്‍), നിസാം ചെറുവാടി (ബിസിനസ്), അനില്‍ മാവൂര്‍ (സ്‌പോര്‍ട്‌സ്), അന്‍സാര്‍ കൊടുവള്ളി (ഐ.ടി), സി.ടി.സഫറുള്ള (മീഡിയ), മിര്‍ഷാദ് ബക്കര്‍ (ഫൗണ്ടര്‍ ഒബ്സര്‍വര്‍) എന്നിവരെയും തെരഞ്ഞെടുത്തു. മുന്‍ ചീഫ് ഓര്‍ഗനൈസര്‍ കബീര്‍ നല്ലളം പ്രവര്‍ത്തന റിപ്പോര്‍ട്ടും റാഫി കൊയിലാണ്ടി സാമ്പത്തിക റിപ്പോര്‍ട്ടും അവതരിപ്പിച്ചു. വിവിധ രാജ്യങ്ങളിലേക്ക് കോഴിക്കോടന്‍സ് കൂട്ടായ്മ വ്യാപിപ്പിക്കുന്നതിന്റെ ഭാഗമായി രൂപീകരിച്ച ഗ്ലോബല്‍ ഫോറത്തിന്റെ രൂപരേഖ കോര്‍ഡിനേറ്റര്‍ നാസര്‍ കാരന്തൂര്‍ അവതരിപ്പിച്ചു. വിലങ്ങാട് പ്രകൃതി ദുരന്തത്തിന്റെ ഭാഗമായി കോഴിക്കോടന്‍സ് പ്രഖ്യാപിച്ച വീട് നിര്‍മാണത്തിന്റെ പുരോഗതി റാഫി കൊയിലാണ്ടി വിശദീകരിച്ചു. പരിപാടിയില്‍ വി കെ കെ അബ്ബാസ്, മുനീബ് പാഴൂര്‍, ഹര്‍ഷദ് ഫറോക്ക്, സഹീര്‍ മുഹ്യുദ്ധീന്‍, ഷമീം മുക്കം, റംഷി, പ്രഷീദ് എന്നിവരും ഭാരവാഹികളും സംസാരിച്ചു. ചീഫ് ഓര്‍ഗനൈസര്‍ ഷാജു കെ.സി ഭാവി പരിപാടികള്‍ വിശദീകരിക്കുകയും നന്ദി പറയുകയും ചെയ്തു.
ഫോട്ടോ: 'കോഴിക്കോടന്‍സ്' 2026 ഭാരവാഹികള്‍.
Related News
