മലപ്പുറം : സൗദി അറേബ്യയിലെ പ്രമുഖ ആഡംബര ഹൈപ്പര്‍മാര്‍ക്കറ്റ് ഗ്രൂപ്പായ ദാനൂബ് കമ്പനിയില്‍ വിവിധ തസ്തികകളില്‍ പ്രവര്‍ത്തിച്ചവര്‍ മലപ്പുറത്ത് സംഗമിച്ചു.
കേരളത്തിലെ വിവിധ പ്രദേശങ്ങളിലെ പഴയകാല സഹപ്രവര്‍ത്തകരാണ് മലപ്പുറം മൈലാടി വൈബ് ലാന്‍ഡില്‍ ഒത്തുകൂടിയത്. എസ് എല്‍ പി മുഹമ്മദ് കുഞ്ഞി കണ്ണൂര്‍ സംഗമം ഉദ്ഘാടനം ചെയ്തു. കെ പി അലവി അധ്യക്ഷനായി. മൊയ്ദീന്‍ കുട്ടി ഫൈസി പ്രാര്‍ത്ഥന നടത്തി.
കോര്‍ഡിനേറ്റര്‍ ഷാഫി തയ്യില്‍ സ്വാഗതം പറഞ്ഞു. അലവി പാങ്ങ്, നാസര്‍ കെ ടി, ഒ സി ഹസ്സന്‍ കണ്ണൂര്‍, കാദര്‍ കുട്ടി നടുവണ്ണൂര്‍,സലീം റാവുത്തര്‍, മുഹമ്മദ് വാളപുരം, കുട്ടി,ബഷീര്‍ സംസാരിച്ചു. സലാഹുദീന്‍ ചെമ്മാട്ന്റെ നേതൃത്വത്തില്‍ സംഗീത വിരുന്നും ഉണ്ടായിരുന്നു.
ഫോട്ടോ : സൗദി അറേബ്യയിലെ ദാനൂബ് കമ്പനിയിലെ പഴയകാല ജീവനക്കാരുടെ സംഗമം മലപ്പുറത്ത് എസ് എല്‍ പി മുഹമ്മദ് കുഞ്ഞി ഉദ്ഘാടനം ചെയ്യുന്നു.
