റിയാദ്: പുതിയ വര്‍ഷത്തെ ആഘോഷത്തോടെ വരവേറ്റ് വേള്‍ഡ് മലയാളി ഫെഡറേഷന്‍ റിയാദ് കൗണ്‍സില്‍. റിയാദ് മലാസിലെ അല്‍മാസ് ഓഡിറ്റോറിയത്തില്‍ നടന്ന പരിപാടിയില്‍ ക്രിസ്മസ് ആഘോഷവും കേക്ക് മുറിയും നടന്നു. 31 ന് വൈകിട്ട് 9 മണിക്ക് ആരംഭിച്ച ആഘോഷ പരിപാടിയില്‍ റിയാദിലെ കലാകാരന്‍മാരുടെ വിവിധ കലാപരിപാടികളും അരങ്ങേറി. കലാപരിപാടികള്‍ക്ക് തങ്കച്ചന്‍, സൗമ്യ തോമസ്, അഞ്ജു ആനന്ദ്, ക്രിസ്, റിസ് വാന്‍ തുടങ്ങിയവര്‍ നേതൃത്വം നല്‍കി. വരുണ്‍, അന്‍സാര്‍ കൊടുവള്ളി എന്നിവരുടെ നേതൃത്വത്തില്‍ നടത്തിയ ഡിജെ മ്യൂസിക്കല്‍ പ്രോഗ്രാമും അരങ്ങേറി. റിയാദ് ടാക്കീസ് മേളം ടീം അണിയിച്ചൊരുക്കിയ ക്രിസ്തുമസ് കരോള്‍ ശ്രദ്ധേയമായി.
വേള്‍ഡ് മലയാളി ഫെഡറേഷന്‍ ഗ്ലോബല്‍ അഡൈ്വസറി അംഗം ശിഹാബ് കൊട്ടുകാട്, ഗ്ലോബല്‍ സെക്രട്ടറി നൗഷാദ് ആലുവ, മിഡില്‍ ഈസ്റ്റ് കൗണ്‍സില്‍ വിമന്‍സ് ഫോറം കോര്‍ഡിനേറ്റര്‍ വല്ലി ജോസ്, സൗദി നാഷണല്‍ കമ്മറ്റി പ്രസിഡന്റ് നിസാര്‍ പള്ളിക്കശ്ശേരി, ജോയിന്‍ സെക്രട്ടറി സുബി സുനില്‍ അടക്കം റിയാദിലെ സാമൂഹിക സാംസ്‌കാരിക രംഗത്തെ നേതാക്കള്‍ പങ്കെടുത്തു. സജിന്‍ നിഷാന്‍ അവതാരകനായിരുന്നു.
റിയാദ് കൗണ്‍സില്‍ മുഖ്യ രക്ഷാധികാരി ബഷീര്‍ കരോളം, പ്രസിഡന്റ് ബിന്‍യാമിന്‍ ബില്‍റു, സെക്രട്ടറി റിയാസ് വണ്ടൂര്‍ ട്രഷറര്‍ സനു മാവേലിക്കര, കോര്‍ഡിനേറ്റര്‍ അഞ്ജു രാഹുല്‍, ബിനു. സി.എസ്, ആതിര അജയ്, രാഹുല്‍ രവിന്ദ്രന്‍, ഷാഹിന തിയ്യാട്ടില്‍, അജയ് രാമചന്ദ്രന്‍, സിബിന്‍ കെ ജോണ്‍, ജോസ് ആന്റണി തറയില്‍ തുടങ്ങിയവര്‍ നേതൃത്വം നല്‍കി. റിയാദ് കൗണ്‍സില്‍ അംഗങ്ങളും കുടുംബങ്ങളും അടക്കം നിരവധിയാളുകള്‍ പുതുവത്സരാഘോഷ പരിപാടിയില്‍ പങ്കെടുത്തു.
Related News
