ജുബൈല്‍: ജുബൈല്‍ ഫാമിലി കോണ്‍ഫറന്‍സ് 2.0 പ്രഖ്യാപിച്ചു. ജിദ്ദയില്‍ നടന്ന ഇന്ത്യന്‍ ഇസ്ലാഹി സെന്റര്‍ സൗദി ദേശീയ കോ ഓര്‍ഡിനേഷന്‍ കൗണ്‍സില്‍ സമ്മേളനത്തില്‍ വെച്ച് വിസ്ഡം ഇസ്ലാമിക് ഓര്‍ഗനൈസേഷന്‍ കേരള സംസ്ഥാന ജനറല്‍ സിക്രട്ടറി ടി.കെ.അശ്‌റഫ് പ്രഖ്യാപനം നടത്തി. ഇന്ത്യന്‍ ഇസ്ലാഹി സെന്റര്‍ സൗദി ദേശീയ പ്രസിഡന്റ് പി.കെ.മുഹമ്മദ് കുട്ടി അധ്യക്ഷനായിരുന്നു.
അബ്ദുല്‍ ജബ്ബാര്‍ മദീനി, ജുബൈല്‍ ഇന്ത്യന്‍ ഇസ്ലാഹി സെന്റര്‍ ഭാരവാഹികളായ അബ്ദുല്‍ മന്നാന്‍, അര്‍ശദ് ബിന്‍ ഹംസ, ആസാദ് കെ.പി., ഉസ്മാന്‍ പാലശ്ശേരി, നൗഫല്‍ സുബൈര്‍, അമീന്‍ കെ.പി., അലി ഫര്‍ഹാന്‍, ഹാഷിര്‍, ലമീസ്, ജംഷീര്‍, ജിയാസ് തുടങ്ങിയവര്‍ സന്നിഹിതരായിരുന്നു. സൗദി കിഴക്കന്‍ പ്രവിശ്യയിലെ വിവിധ പ്രദേശങ്ങളില്‍ നിന്ന് കുടുംബ സമേതം പ്രതിനിധികള്‍ പങ്കെടുത്തു. ജുബൈലില്‍ നടന്നു വരുന്ന വാര്‍ഷിക സമ്മേളനത്തിന്റെ തുടര്‍ച്ചയായാണ് ജനുവരിയില്‍ നടക്കുന്ന സമ്മേളനം.
''കുടുംബം, വിശുദ്ധി, സംസ്‌കാരം'' എന്ന പ്രമേയത്തിലാണ് സമ്മേളനം നടക്കുന്നത്. വ്യത്യസ്ത സെഷനുകളിലായി നടക്കുന്ന സമ്മേളനത്തില്‍ പ്രമുഖ പണ്ഡിതരും പ്രഭാഷകരും പങ്കെടുക്കും.
Related News
