മലപ്പുറം: പ്രവാസിയുടെ ഭാര്യയായ യുവതിയെ ഭര്‍തൃവീട്ടില്‍ തൂങ്ങിമരിച്ച നിലയില്‍ കണ്ടെത്തി. വേങ്ങര ചേറൂര്‍ മിനി കാപ്പ് സ്വദേശി നിസാറിന്റെ ഭാര്യ ജലീസ (31) ആണ് തൂങ്ങി മരിച്ചത്. ഇന്നു പുലര്‍ച്ചെ വീടിന്റെ അടുക്കളയോട് ചേര്‍ന്നുള്ള പുറത്തെ ഷെഡില്‍ തൂങ്ങിമരിച്ച നിലയില്‍ ജലീസയെ കണ്ടെത്തുകയായിരുന്നു. മരണത്തില്‍ സംശയമുള്ളതായി ബന്ധുക്കള്‍ ആരോപിച്ചു. വീട്ടുകാര്‍ എത്തിയപ്പോള്‍ മൃതദേഹം നിലത്തു തട്ടിയ നിലയിലായിരുന്നു എന്ന് ബന്ധുക്കള്‍ പറഞ്ഞു.
അപ്പക്കാട് സ്വദേശി ഉത്തമാവുങ്ങല്‍ ആലി - സുലൈഖ ദമ്പതികളുടെ മകളാണ് ജലീസ. കഴിഞ്ഞ ദിവസം ഭര്‍തൃമാതാവുമായും ഭര്‍ത്താവിന്റെ സഹോദരിമാരുമായും പ്രശ്‌നമുണ്ടായിരുന്നതായും ഇതിനു പിന്നാലയാണ് മരണം സംഭവിച്ചതെന്നുമാണ് ബന്ധുക്കള്‍ ആരോപിക്കുന്നത്. ഭര്‍ത്താവ് നിസാര്‍ വിദേശത്താണ്. 13 വര്‍ഷമായി വിവാഹം കഴിഞ്ഞിട്ട്. മക്കള്‍: ഫാത്തിമ നഷ്വ, ഫാത്തിമ നജ്വ, സൈദ് മുഹമ്മദ്.
Related News
