കൊച്ചി- പ്രേക്ഷകര്‍ ഏറെ പ്രതീക്ഷയോടെ കാത്തിരിക്കുന്ന മോഹന്‍ലാല്‍- ജീത്തു ജോസഫ് കൂട്ടുകെട്ടില്‍ ഒരുങ്ങുന്ന ചിത്രം 'ദൃശ്യം 3' യുടെ ലോകമെമ്പാടുമുള്ള വിതരണാവകാശം ഇന്ത്യന്‍ സിനിമയിലെ പ്രമുഖ സ്റ്റുഡിയോകളായ പനോരമ സ്റ്റുഡിയോസും പെന്‍ സ്റ്റുഡിയോസും സംയുക്തമായി സ്വന്തമാക്കി. ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂര്‍ നിര്‍മ്മിക്കുന്ന ചിത്രത്തിന്റെ ഏറ്റെടുക്കല്‍ മലയാള സിനിമയില്‍നിന്ന് ഈ വര്‍ഷം നടക്കുന്ന ഏറ്റവും വലിയ പാന്‍-ഇന്ത്യന്‍ ഏറ്റെടുക്കലുകളില്‍ ഒന്നാണ്.
ഇന്ത്യന്‍ സിനിമയില്‍ ഏറ്റവും കൂടുതല്‍ സ്വാധീനം ചെലുത്തുകയും എല്ലാ റീമേക്കുകളിലും റെക്കോര്‍ഡ് വിജയം നേടുകയും ചെയ്ത ഫ്രാഞ്ചൈസികളില്‍ ഒന്നാണ് 'ദൃശ്യം'. ഹിന്ദി പതിപ്പായ 'ദൃശ്യം 2' നിര്‍മ്മിച്ചത് പനോരമ സ്റ്റുഡിയോസാണ്. 'ദൃശ്യം 3'-നെ ഇന്ത്യയില്‍ നിന്നുള്ള ഏറ്റവും വലിയ അന്താരാഷ്ട്ര റിലീസുകളില്‍ ഒന്നാക്കി മാറ്റാന്‍ ഇരു സ്റ്റുഡിയോകളും ലക്ഷ്യമിടുന്നു.
'എനിക്ക് ദൃശ്യം ഒരു സിനിമയെന്നതിനേക്കാള്‍ അപ്പുറമാണ്; ഇന്ത്യന്‍ സിനിമയ്ക്ക് ഇത് ഒരു പരിവര്‍ത്തന യാത്രയാണ്. യഥാര്‍ഥ മലയാള ഫ്രാഞ്ചൈസിയുടെ ലോകമെമ്പാടുമുള്ള അവകാശങ്ങള്‍ നേടിയെടുക്കുന്നത് ഞങ്ങള്‍ക്ക് അഭിമാനകരമായ നിമിഷമാണ്. ഞങ്ങളുടെ ആഗോള വിതരണശൃംഖല ഉപയോഗിച്ച് 'ദൃശ്യം 3'-നെ ഇന്ത്യയിലെ ഏറ്റവും വലിയ അന്താരാഷ്ട്ര റിലീസുകളില്‍ ഒന്നാക്കി മാറ്റാന്‍ ഞങ്ങള്‍ ഉദ്ദേശിക്കുന്നു.- കുമാര്‍ മംഗത് പഥക് (ചെയര്‍മാന്‍, പനോരമ സ്റ്റുഡിയോസ് പറഞ്ഞു.
.jpg)
Related News
