കാലിഫോര്‍ണിയ: തിരക്കിട്ട ജീവിതത്തിലെ സമ്മര്‍ദ്ദങ്ങളില്‍നിന്ന് ഒരു ഇടവേള ആഗ്രഹിച്ച്, പുതിയ കാഴ്ചകള്‍ തേടുന്നതില്‍ ഇന്ത്യക്കാര്‍ മുന്‍പന്തിയിലാണ്. യാത്രകളോടുള്ള ഈ അഭിരുചി വ്യക്തമാക്കിക്കൊണ്ട്, 2025-ല്‍ ഇന്റര്‍നെറ്റില്‍ ഏറ്റവും കൂടുതല്‍പേര്‍ തിരഞ്ഞ യാത്രാ കേന്ദ്രങ്ങളുടെ പട്ടിക ഗൂഗിള്‍ പുറത്തുവിട്ടു. ഈ വര്‍ഷം ജനുവരി 1 മുതല്‍ നവംബര്‍ 25 വരെയുള്ള തിരയലുകള്‍ വിശകലനം ചെയ്താണ് ഗൂഗിള്‍ ഈ ലിസ്റ്റ് തയ്യാറാക്കിയത്.

ഏറ്റവുമധികം ആളുകള്‍ തിരഞ്ഞ സ്ഥലങ്ങളുടെ പട്ടികയില്‍ ഒന്നാമതെത്തിയത് ഉത്തര്‍പ്രദേശിലെ ആത്മീയ കേന്ദ്രമായ മഹാ കുംഭമേളയാണ്. ഈ വര്‍ഷമാദ്യം നടന്ന മഹാ കുംഭമേളയാണ് ലിസ്റ്റില്‍ ഒന്നാമത്. ആയിരക്കണക്കിന് ഹിന്ദു തീര്‍ത്ഥാടകരെ ആകര്‍ഷിച്ച ഈ സാംസ്‌കാരിക-ആത്മീയ സംഗമമാണ് ഇന്ത്യക്കാര്‍ ഏറ്റവും കൂടുതല്‍ വിവരങ്ങള്‍ തേടിയത്. അതേസമയം, വിദേശയാത്രകളോടുള്ള ഇന്ത്യക്കാരുടെ വര്‍ദ്ധിച്ച താല്‍പ്പര്യം വ്യക്തമാക്കുന്നതാണ് രണ്ടാം സ്ഥാനം വിദേശയാത്രകളില്‍ ഇന്ത്യക്കാര്‍ ഏറ്റവുമധികം തിരഞ്ഞ രണ്ടാമത്തെ സ്ഥലം ഫിലിപ്പൈന്‍സാണ്. ഇന്ത്യക്കാര്‍ക്ക് വിസയില്ലാതെ 14 ദിവസം വരെ സന്ദര്‍ശനം നടത്താന്‍ സാധിക്കുന്നതും ഇ-വിസ സംവിധാനവും ഈ രാജ്യത്തെ പ്രിയങ്കരമാക്കുന്നു.

ഈ വര്‍ഷം ഇന്ത്യക്കാര്‍ കൂടുതലായി തിരഞ്ഞ മറ്റ് പ്രമുഖ യാത്രാ കേന്ദ്രങ്ങള്‍ ഇവയാണ്:റാങ്ക്സ്ഥലംരാജ്യം/സംസ്ഥാനം പ്രത്യേകത 3. ജോര്‍ജിയ, കഴിഞ്ഞ വര്‍ഷത്തെ ലിസ്റ്റിലും ഇടംപിടിച്ച പ്രദേശം. 4. മൗറീഷ്യസ്, ഇന്ത്യന്‍ സഞ്ചാരികളെ ആകര്‍ഷിക്കുന്ന മറ്റൊരു ദ്വീപ് രാജ്യം. 6, ഫൂ ക്വാക്വിയറ്റ് - തെക്കുകിഴക്കന്‍ ഏഷ്യന്‍ രാജ്യങ്ങളോടുള്ള താല്‍പ്പര്യം വ്യക്തമാക്കുന്നു. 7. ഫുക്കെറ്റ്, തായ്ലന്‍ഡ് ബീച്ച് അവധിക്കാലത്തിന് പ്രശസ്തമായ പ്രദേശം. കശ്മീര്‍ ലിസ്റ്റില്‍ സജീവം. വിദേശയാത്രകള്‍ക്കൊപ്പം, ആഭ്യന്തര വിനോദസഞ്ചാര കേന്ദ്രങ്ങളിലും കശ്മീരിന് പ്രാധാന്യം ലഭിച്ചു. കഴിഞ്ഞ വര്‍ഷത്തെ ലിസ്റ്റില്‍ ഇടംപിടിച്ച കശ്മീര്‍ ഈ വര്‍ഷവും ഇന്ത്യക്കാര്‍ ഏറ്റവും കൂടുതല്‍ തിരഞ്ഞ സ്ഥലങ്ങളില്‍ ഇടം നേടി.

കഴിഞ്ഞ വര്‍ഷത്തെ പട്ടികയില്‍ മുന്‍പന്തിയിലുണ്ടായിരുന്ന ജയ്പൂര്‍, മണാലി, ഗോവ തുടങ്ങിയ വിനോദസഞ്ചാര കേന്ദ്രങ്ങള്‍ ഇത്തവണ ലിസ്റ്റില്‍ ഇടംപിടിച്ചില്ല എന്നതും ശ്രദ്ധേയമാണ്.