റിയാദ്: കൊല്ലം ജില്ലക്കാരായി റിയാദിലുള്ള പ്രവാസികളുടെ പുതിയ കൂട്ടായ്മ നിലവില്‍ വന്നു. കൊല്ലം ജില്ല കള്‍ച്ചറല്‍ അസോസിയേഷന്‍ (കെ.സി.എ റിയാദ്) എന്ന പേരില്‍ രൂപവത്കരിച്ച കൂട്ടായ്മയുടെ ആദ്യ യോഗം നിസാര്‍ പള്ളിക്കശ്ശേരിയുടെ നേതൃത്വത്തില്‍ റിയാദ് മലസിലെ അല്‍മാസ് ഓഡിറ്റോറിയത്തില്‍ ചേര്‍ന്നു. ജില്ലയില്‍നിന്നുള്ള നിരവധി പേര്‍ പങ്കെടുത്തു. സമ്പന്നമായ ചരിത്രം പേറുന്ന പഴയ ദേശിങ്ങനാടായ കൊല്ലം ജില്ലയുടെ തനത് പൈതൃകവും കലയും സംസ്‌കാരവും പൊതുസമൂഹത്തിന് പരിചയപ്പെടുത്തുന്നതിനും അംഗങ്ങളുടെ കലാ, കായിക, സാമൂഹിക, സാംസാകാരിക, വിദ്യാഭ്യാസ മേഖലയിലുള്ള കഴിവുകള്‍ പരിപോഷിപ്പിക്കുന്നതിനും അവസരമൊരുക്കുക, അംഗങ്ങളുടേയും കുടുംബാംഗങ്ങളുടേയും ക്ഷേമത്തിനുവേണ്ടി പ്രവര്‍ത്തിക്കുക എന്നിവയാണ് ലക്ഷ്യം.
ഭരണസമിതി രൂപവത്കരണ ചര്‍ച്ചയുടെ അടിസ്ഥാനത്തില്‍ കൊല്ലം ജില്ലയുടെ ആറ് താലൂക്കുകളില്‍ നിന്നായി 21 അംഗ അഡ്‌ഹോക്ക് കമ്മിറ്റിയെ പ്രാഥമികമായി തെരഞ്ഞെടുത്തു. നിസാര്‍ പള്ളിക്കശ്ശേരില്‍ (ജനറല്‍ കണ്‍വീനര്‍), ഷിഹാബ് കൊട്ടുകാട് (അഡൈ്വസര്‍), ആതിര ഗോപന്‍ (വനിത പ്രതിനിധി), വിവിധ താലൂക്ക് തല പ്രതിനിധികളായ നസീര്‍ അബ്ദുല്‍ കരീം, ജയന്‍ മാവിള, ഉണ്ണികൃഷ്ണന്‍ (കൊല്ലം) ബാലുകുട്ടന്‍, ഷംനാദ് കരുനാഗപ്പള്ളി, ഷൈന്‍ റഷീദ് (കരുനാഗപ്പള്ളി), ജോസ് കടമ്പനാട്, അബ്ദുല്‍ സലീം അര്‍ത്തിയില്‍, സജീര്‍ സമദ് (കുന്നത്തൂര്‍), അലക്‌സ് കൊട്ടാരക്കര, എന്‍. മണികണ്ഠന്‍, മുനീര്‍ (കൊട്ടാരക്കര), ബിനോയ് മത്തായി, നിസാം കുന്നിക്കോട്, ഷാജു പത്തനാപുരം (പത്തനാപുരം), ഷംനാസ് കുളത്തൂപ്പുഴ, ഷാജഹാന്‍, അന്‍സാരി അലിക്കുട്ടി (പുനലൂര്‍) എന്നിവരടങ്ങിയതാണ് അഡ്‌ഹോക്ക് കമ്മിറ്റി. കൂട്ടായ്മയുടെ ഭാഗമാകാന്‍ താല്‍പര്യമുള്ള റിയാദ് മേഖലയില്‍ ജോലി ചെയ്യുന്ന കൊല്ലം ജില്ലാ നിവാസികള്‍ക്ക് അംഗത്വത്തിനായി 0583847873 എന്ന വാട്‌സ്ആപ്പ് നമ്പരില്‍ ബന്ധപ്പെടാമെന്ന് ഭാരവാഹികള്‍ അറിയിച്ചു.
Related News
