ഷാര്ജ: ഷാര്ജയിലെ വര്ണ്ണ ശബളമായ സദസ്സില് വച്ച് നജീബയുടെ വര്ണ്ണശലഭങ്ങള് എന്ന കവിതാ സമാഹാരം പ്രകാശനം ചെയ്തു. വര്ണ്ണശലഭങ്ങള് മൂന്ന് ഭാഷകളിലേക്ക് ആണ് വിവര്ത്തനം ചെയ്തിട്ടുള്ളത്. അടുക്കളയില് മാത്രം ഒതുങ്ങിക്കഴിയേണ്ടിയിരുന്ന സ്ത്രീ രത്നങ്ങളെ പ്രസംഗ പരിശീലനത്തിലൂടെ മുഖ്യധാരയിലേക്ക് എത്തിക്കുന്ന ലൗ ദ ഖുര്ആന് മാസ്റ്റേഴ്സിന്റെ പതിനൊന്നാമത്തെ ക്ലബ് ആയ പാലക്കാട് ക്ലബ്ബില് എത്തിയതോടെയാണ് നജീബയെ പുറം ലോകം അറിയാന് തുടങ്ങിയത്. ലൗ ദ ഖുര്ആന് മാസ്റ്റേഴ്സ് ക്ലബ് സംഘടിപ്പിച്ച എന്നെ സ്വാധീനിച്ച ഖുര്ആന് വചനം എന്ന യൂട്യൂബിലൂടെ പ്രക്ഷേപണം ചെയ്ത പ്രോഗ്രാമില് പങ്കെടുത്തപ്പോഴാണ് ഭിന്നശേഷിക്കാരിയായ മകളെ പറ്റിയും ലോകം അറിയുവാന് ഇടയായത്. പിന്നീട് ഒരുപാട് സുമനസ്സുകള് അവരെയും ഭിന്നശേഷിക്കാരിയായ മകളെയും ഏറ്റെടുക്കുകയായിരുന്നു.
വീണ്ടും ലവ് ദ ഖുര്ആന് മാസ്റ്റേഴ്സ് ക്ലബ് പ്രകാശനം ചെയ്ത എന്റെ അനുഭവങ്ങളിലൂടെ എന്ന മാഗസിനില് രചിച്ച മൗന നൊമ്പരങ്ങള് എന്ന കവിതയാണ് ഇന്ന് ഷാര്ജ ബുക്ക് ഫെയര്വരെ എത്തിയത്. പ്രിയങ്ക ദാസ് ഇംഗ്ലീഷിലേക്കും ഡോക്ടര് മുഹമ്മദ് ബഷീര് അറബിയിലേക്കും വിവര്ത്തനം ചെയ്ത വര്ണ്ണ ശലഭങ്ങള് ആണ് ഇന്നലെ ഷാര്ജ ബുക്ക് ഫെയറില് പ്രകാശനം ചെയ്യപ്പെട്ടത്.
ലൗ ദ ഖുര്ആന് മാസ്റ്റേഴ്സ് ക്ലബ്ബിലെ മറ്റൊരു പ്രതിഭ കൂടി ഷാര്ജ ബുക്ക് ഫെയറില് മാറ്റുരയ്ക്കുകയുണ്ടായി. ക്ലബ് നമ്പര് 13 വയനാടിലെ ജലീല് കുറ്റ്യാടി. കൂറ്റിയാടി പുഴയുടെ മര്മ്മരങ്ങള് ഒപ്പിയെടുത്ത് ആസ്വാദക ഹൃദയങ്ങളില് തേന്മഴ വര്ഷിപ്പിയ്ക്കുന്ന കൂറ്റിയാടിയുടെ സ്വന്തം കവിക്കും, നജീബക്കും മകള്ക്കും ലൗ ദ ഖുര്ആന് മാസ്റ്റേഴ്സ് ക്ലബ്ബിലെ എല്ലാ മാസ്റ്റേഴ്സിന്റെയും ഹൃദയം നിറഞ്ഞ അഭിനന്ദനങ്ങള്.
