ദോഹ: ഖത്തര്‍ അമീര്‍ ഷേഖ് തമീം ബിന്‍ ഹമദ് അല്‍ താനി , അമീറി ദിവാനിലെ ശേഖ് അബ്ദുള്ള ബിന്‍ ജാസിം മജ്ലിസില്‍ ഇന്ത്യന്‍ വിദേശകാര്യ മന്ത്രി ഡോ. എസ് ജയശങ്കറേയും പ്രതിനിധി സംഘത്തേയും സ്വീകരിച്ചു. ഇന്ത്യന്‍ വിദേശകാര്യ മന്ത്രിയുടെ ഖത്തര്‍ സന്ദര്‍ശനത്തിന്റെ ഭാഗമായിട്ടാണ് ഔദ്യോഗിക കൂടിക്കാഴ്ച.
ഖത്തറും ഇന്ത്യയും തമ്മിലുള്ള രാഷ്ട്രീയ, സാമ്പത്തിക, ഊര്‍ജ്ജം, തൊഴില്‍, പ്രതിരോധം തുടങ്ങിയ വിവിധ മേഖലകളിലെ പങ്കാളിത്തം കൂടുതല്‍ ശക്തിപ്പെടുത്താനുള്ള സാധ്യതകള്‍ ചര്‍ച്ച ചെയ്തു. ഇന്ത്യ ഖത്തര്‍ വ്യാപാരബന്ധങ്ങള്‍ വര്‍ധിപ്പിക്കാന്‍ പുതിയ അവസരങ്ങള്‍ കണ്ടെത്തുന്നതിനെക്കുറിച്ച് ചര്‍ച്ച നടന്നു. പ്രാദേശികവും അന്താരാഷ്ട്രവുമായ വിഷയങ്ങള്‍, ഗള്‍ഫ് മേഖലയുടെ സ്ഥിരത, ആഗോള സുരക്ഷ, ആഗോള ഊര്‍ജ്ജ വിപണികള്‍, വിവിധ രാജ്യങ്ങളിലെ സംഘര്‍ഷങ്ങള്‍ എന്നിവ ഉള്‍പ്പെടെ ഇരുരാജ്യങ്ങള്‍ക്കും പ്രാധാന്യമുള്ള അന്താരാഷ്ട്ര വിഷയങ്ങള്‍ ചര്‍ച്ച ചെയ്തു.
Related News
