ദമാം: ന്യൂമോണിയ ബാധിച്ച് മലയാളി യുവാവ് ദമാമില്‍ മരിച്ചു. തിരുവനന്തപുരം, നെടുമങ്ങാട്, നെറ്റിറച്ചിറ സ്വദേശി അരുണ്‍ നിവാസില്‍ രാകേഷ് രമേശന്‍ (37) ആണ് മരിച്ചത്. ഏതാനും ദിവസമായി ചികിത്സയിലായിരുന്നു. രണ്ടു ദിവസമായി ആശുപത്രിയില്‍ പ്രവേശിപ്പിക്കപ്പെട്ട രാകേഷിനെ നില വഷളായതിനെത്തുടര്‍ന്ന് വെന്റിലേറ്ററിലേക്കു മാറ്റിയിരുന്നു. ഇതിനിടെ കഴിഞ്ഞ ദിവസം നില കൂടുതല്‍ മോശമാവുകയും മരണം സംഭവിക്കുകയായിരുന്നു.
ദമാമിലെ ഒരു സ്വകാര്യ കമ്പനിയില്‍ മെക്കാനിക്കല്‍ എന്‍ജിനീയറായിരുന്നു. പത്ത് വര്‍ഷത്തിലേറെയായായി സൗദിയിലുണ്ട്. രമേശന്‍ ചെട്ടിയാര്‍, എ. മോളി ദമ്പതികളുടെ മകനാണ്. രണ്ട് സഹോദരന്‍മാരുണ്ട്. മരണത്തെ തുടര്‍ന്ന് ദമാമില്‍ ഒപ്പമുണ്ടായിരുന്ന ഭാര്യ നീതു, ദമാം ഇന്ത്യന്‍ സ്‌കൂള്‍ വിദ്യാര്‍ഥികളായ സകേത് രാകേഷ്, സാരംഗ് രാകേഷ് എന്നിവര്‍ മക്കളാണ്. കുടുംബത്തെ സുഹൃത്തുക്കളുടെ സഹായത്തോടെ നാട്ടിലേക്ക് മടക്കി അയച്ചു. ഏതാനും മാസം മുന്‍പാണ് രാകേഷ് കുടുംബത്തെ ദമാമില്‍ കൊണ്ടുവന്നത്. രാകേഷിന്റെ അപ്രതീക്ഷിത വേര്‍പാട് പ്രവാസി സമൂഹത്തെ ഒന്നാകെ ദുഖത്തിലാഴ്ത്തി.
Related News
