മലപ്പുറം: കേന്ദ്ര തെരഞ്ഞെടുപ്പ് കമ്മീഷന്‍ നടപ്പിലാക്കുന്ന എസ്.ഐ.ആര്‍ (വോട്ടര്‍ പട്ടിക തീവ്ര പുനഃപരിശോധന പ്രക്രിയ) സംബന്ധിച്ച് പ്രവാസികളില്‍ നിലനില്‍ക്കുന്ന ആശങ്കകള്‍ ദുരീകരിക്കുന്നതിനായി ഒ.ഐ.സി.സി മലപ്പുറം മുനിസിപ്പല്‍ കമ്മിറ്റി മലപ്പുറം എന്‍.ജി.ഒ ഭവനില്‍ ടേബിള്‍ ടോക്ക് സംഘടിപ്പിച്ചു.
യോഗത്തില്‍ ഒ.ഐ.സി.സി മലപ്പുറം മുനിസിപ്പല്‍ കമ്മിറ്റി അധ്യക്ഷന്‍ യു. എം. ഹുസ്സൈന്‍ അധ്യക്ഷത വഹിച്ചു. എസ്.ഐ.ആര്‍ സംബന്ധിച്ച വിശദീകരണവും സംശയനിവാരണവും ബി.എല്‍.ഒ മാരായ റഊഫ് മാസ്റ്റര്‍, ഗീത ടീച്ചര്‍ എന്നിവര്‍ നല്‍കി. പ്രവാസികള്‍ക്ക് എസ്.ഐ.ആര്‍ പ്രക്രിയയെ കുറിച്ച് ഭയപ്പെടേണ്ട സാഹചര്യമില്ലെന്നും പ്രക്രിയ പൂര്‍ണ്ണമായും സുതാര്യവും ജനഹിതപരവുമാണെന്നും ബി എല്‍ ഒ റഊഫ് മാസ്റ്റര്‍ പറഞ്ഞു. ടേബിള്‍ ടോകില്‍ സംശയ നിവാരണങ്ങള്‍ക്ക് മറുപടി പറയുകയായിരുന്നു അദ്ദേഹം.
എസ് ഐ ആറുമായി ബന്ധപ്പെട്ട പ്രവാസികളുടെ ആശയകുഴപ്പങ്ങള്‍ വിദേശത്തുനിന്നും തല്‍സമയം കമാല്‍ കളപ്പാടന്‍ ബി എല്‍ ഒ മാരോട് ഉന്നയിക്കുകയും അവര്‍ അതിനുള്ള മറുപടിയും നല്‍കി. പ്രവാസികളുടെ വോട്ടവകാശ സംരക്ഷണത്തിനും വോട്ടര്‍ പട്ടികയിലെ വിശ്വാസ്യത ഉറപ്പാക്കുന്നതിനും എസ്.ഐ.ആര്‍ പ്രക്രിയ നിര്‍ണായകമാണെന്ന് പരിപാടിയില്‍ പങ്കെടുത്തവര്‍ സംസാരിച്ചു. മുന്‍ പ്രവാസികളായ പി.ടി. അഷ്റഫ്, പി.കെ. ഹസൈനാര്‍, തത്തയില്‍ സലീം, എം. നാരായണന്‍,
അബ്ദു റഹീം, സുജാത പരമേശ്വരന്‍, എ.പി. ശങ്കരന്‍, ലുക്മാന്‍ കളപ്പാടന്‍ എന്നിവര്‍ ചര്‍ച്ചയില്‍ പങ്കെടുത്തു. യൂനുസ് കൊന്നോല സ്വാഗതവും ഹമീദ് അവുലന്‍ നന്ദിയും പറഞ്ഞു.
.jpg)
Related News
