ജിദ്ദ: സൗദി നാഷണല്‍ കെഎംസിസിയുടെ സാമൂഹ്യ സുരക്ഷാ പദ്ധതി, ജിദ്ദ സെന്‍ട്രല്‍ കെഎംസിസിയുടെ കാരുണ്യ ഹസ്തം കുടുംബ സുരക്ഷാ പദ്ധതി, വരാനിരിക്കുന്ന തൃതല പഞ്ചായത്ത് തിരഞ്ഞെടുപ്പില്‍ യുഡിഎഫ് സ്ഥാനാര്‍ത്ഥികളെ വിജയിപ്പിക്കേണ്ടതിന്റെ പ്രാധാന്യം, SIR വോട്ട് രജിസ്‌ട്രേഷന്‍ എന്നിവയെക്കുറിച്ചുള്ള ബോധവല്‍ക്കരണ പരിപാടിയുടെ ഭാഗമായി അല്‍ സഫ സൂക് സൂരി ഘടകം സംഘടിപ്പിച്ച കണ്‍വെന്‍ഷന്‍ പ്രവര്‍ത്തകരുടെ നിറ സാനിധ്യം കൊണ്ട് ശ്രദ്ധേയമായി.
കണ്‍വെന്‍ഷന്‍ സൂഖ് സൂരി കെഎംസിസിക്ക് പഴയ പ്രതാപം തിരികെ കൊണ്ടുവന്നതായി ഏരിയ കമ്മിറ്റി നേതാക്കള്‍ അഭിപ്രായപ്പെട്ടു. ഈ ഊര്‍ജ്ജം വരും പ്രവര്‍ത്തനങ്ങളിലും നിലനിര്‍ത്തണമെന്ന് നേതാക്കള്‍ ആഹ്വാനം ചെയ്തു. ഏരിയ പ്രസിഡണ്ട് നസീര്‍ പെരുമ്പളയുടെ അധ്യക്ഷയില്‍ ചെയര്‍മാന്‍ സമീര്‍ സി കെ കണ്‍വെന്‍ഷന്‍ ഉല്‍ഘാടനം ചെയ്തു. സൂഖ് സൂരി കെഎംസിസി മുതിര്‍ന്ന അംഗം ഹംസ സാഹിബ് പ്രാര്‍ത്ഥനക്ക് നേതൃത്വം നല്‍കി.
ജിദ്ദ കെഎംസിസി സെക്രട്ടറി നാസര്‍ മച്ചിങ്ങല്‍ മുഖ്യപ്രഭാഷണം നടത്തി. പ്രവാസികള്‍ക്ക് സംരക്ഷണം നല്‍കുന്ന കെഎംസിസി പദ്ധതികളെക്കുറിച്ചും, യുഡിഎഫ് വിജയത്തിന്റെ ആവശ്യകതയെക്കുറിച്ചും, SIR വോട്ട് രജിസ്‌ട്രേഷനെക്കുറിച്ചുമുള്ള കാര്യങ്ങളെക്കുറിച്ച് വിശദമായി സംസാരിച്ചു. പ്രവാസികള്‍ ജാഗ്രതയോടെ മുന്നേറണമെന്ന് അദ്ദേഹം ഓര്‍മ്മിപ്പിച്ചു. ജോര്‍ജിയ കെഎംസിസി പ്രതിനിധി ഷൗക്കത്ത് അലി ആശംസകള്‍ നേര്‍ന്നു. ഏരിയ ജനറല്‍ സെക്രട്ടറി സമീര്‍ ആമയൂര്‍ സ്വാഗതവും, വൈസ് പ്രസിഡണ്ട് അബ്ദുറഹീം കോയ തങ്ങള്‍ നന്ദിയും പറഞ്ഞു.
Related News
