ജിദ്ദ: മുസ്ലിംലീഗ് ദേശീയ വൈസ് പ്രസിഡന്റും തിരൂരങ്ങാടി നിയോജക മണ്ഡലം എം.എല്‍.എയുമായ കെ.പി.എ മജീദിന് ജിദ്ദ തിരൂരങ്ങാടി മണ്ഡലം കെഎംസിസിയുടെ ആഭിമുഖ്യത്തില്‍ സ്വീകരണം നല്‍കി. ലക്കി ദര്‍ബാര്‍ ഹോട്ടലില്‍ നടന്ന പ്രോഗ്രാം ജിദ്ദ കെഎംസിസി സെന്‍ട്രല്‍ കമ്മിറ്റി ജനറല്‍ സെക്രട്ടറി വി.പി. മുസ്തഫ ഉദ്ഘാടനം നിര്‍വഹിച്ചു. മണ്ഡലം പ്രസിഡന്റ് ജാഫര്‍ വെന്നിയൂര്‍ അധ്യക്ഷനായിരുന്നു.
കേന്ദ്ര തിരഞ്ഞെടുപ്പ് കമ്മീഷന്‍ നടപ്പിലാക്കുന്ന SIR സംബന്ധിച്ച ആശങ്കകള്‍ കെപിഎ മജീദ് പങ്കുവെക്കുകയും, തിരൂരങ്ങാടി മണ്ഡലത്തിലെ വിവിധ വികസന പദ്ധതികളെയും പ്രവാസി ക്ഷേമ പ്രവര്‍ത്തനങ്ങളെയും കുറിച്ച് പ്രവര്‍ത്തകരുമായി സംവദിക്കുകയും ചെയ്തു. SIR ജനങ്ങളെ ബുദ്ധിമുട്ടിക്കാനുള്ള പദ്ധതിയാണെന്നും, 2002 വോട്ടര്‍ ലിസ്റ്റ്‌ന് പകരം കഴിഞ്ഞ പാര്‍ലമെന്റ് ഇലക്ഷന്‍ സമയത്തെ വോട്ടര്‍ ലിസ്റ്റ് മാനദണ്ഡമാക്കണമെന്നും അതിന് എല്ലാ രാഷ്ട്രിയ പാര്‍ട്ടികളും ഇടപെടണമെന്നും യോഗം ആവശ്യപ്പെട്ടു.
സെന്‍ട്രല്‍ കമ്മിറ്റി സെക്രട്ടറി ഇസ്ഹാഖ് പൂണ്ടോളി, മലപ്പുറം ജില്ലാ കെഎംഎംസി വൈസ് പ്രസിഡന്റ് ഉനൈസ് കരുമ്പില്‍, സീതി കൊളക്കാടന്‍, മണ്ഡലം ചെയര്‍മാന്‍ പി.കെ.സുഹൈല്‍, മണ്ഡലം ജന.സെക്രട്ടറി റഷീദ്‌കോഴിക്കോടന്‍, അബുസ്സമദ് പൊറ്റയില്‍, റഫീഖ് പന്താരങ്ങാടി, ഇബ്രാഹിംകുട്ടി നന്നമ്പ്ര, സക്കരിയ നന്നമ്പ്ര, റഫീഖ് കൂളത്ത്, കെ.കെ മുസ്തഫ, പി.എം അഷ്‌റഫ്, ഗഫൂര്‍ പൂങ്ങാടന്‍, സമീര്‍ പെരുമണ്ണ, മുഹമ്മദലി പന്താരങ്ങാടി, ഷരീഫ് തെന്നല, ഗഫൂര്‍ പൂങ്ങാടന്‍, മൊഹ്യുദ്ദീന്‍ താപ്പി, ഷെമീം താപ്പി തുടങ്ങിയവര്‍ സംസാരിച്ചു. ചടങ്ങില്‍ മണ്ഡലം കമ്മിറ്റിയുടെ സ്‌നേഹാദരം നേതാക്കള്‍ എം.എല്‍.എയ്ക്ക് കൈമാറി.
Related News
