റിയാദ്: റോയല്‍ സൗദി നാവിക സേനയുടെ സംയുക്ത ടാസ്‌ക് ഫോഴ്സ് 'ഇഠഎ150', വന്‍തോതിലുള്ള മയക്കുമരുന്ന് കടത്ത് ശ്രമം തടഞ്ഞു. 97 കോടി ഡോളറിലധികം വിലമതിക്കുന്ന ലഹരിവസ്തുക്കള്‍ പിടിച്ചെടുത്തു
സമുദ്രത്തിലെ മയക്കുമരുന്ന് കടത്തും നിയമവിരുദ്ധ പ്രവര്‍ത്തനങ്ങളും ചെറുക്കുന്നതിനുള്ള അന്താരാഷ്ട്ര കൂട്ടായ ശ്രമങ്ങളുടെ ഭാഗമായി, CTF-150-ന്റെ നേതൃത്വത്തിലും ഏകോപനത്തിലുമായി നടപ്പാക്കിയ 'അല്‍-മസ്മക്' എന്ന പ്രത്യേക ഓപ്പറേഷന്റെ ഭാഗമായിരുന്നു ഈ നീക്കം.

സംയുക്ത ടാസ്‌ക് ഫോഴ്സ് 150 കമാന്‍ഡര്‍, കൊമഡോര്‍ ഫഹദ് ബിന്‍ സാനിദ അല്‍-ജായിദ് വിശദീകരിച്ചത് പ്രകാരം, സംയുക്ത മാരിടൈം സേനകളുടെ ചരിത്രത്തിലെ ഏറ്റവും വിജയകരമായ മയക്കുമരുന്ന് വേട്ടകളിലൊന്നാണിത്. പാകിസ്ഥാന്‍ നാവിക സേനയുടെ കപ്പലായ 'അല്‍-യാര്‍മൂക്ക്' 48 മണിക്കൂറിനുള്ളില്‍ രണ്ട് ബോട്ടുകള്‍ തടഞ്ഞാണ് ഈ നേട്ടം കൈവരിച്ചത്.
ആദ്യ ബോട്ടില്‍ നിന്ന് വന്‍ അളവില്‍ മെത്താംഫെറ്റാമിനും രണ്ടാമത്തെ ബോട്ടില്‍ നിന്ന് മെത്താംഫെറ്റാമിനും കൊക്കെയ്നും പിടിച്ചെടുത്തു.