ജിദ്ദ: നവോദയ ഖാലിദ് ബിന്‍ വലീദ് ഏരിയ നവോദയോത്സവ് 2025 ന്റെ ഭാഗമായി ആരോഗ്യ പ്രവര്‍ത്തകരെ ആദരിക്കുന്ന ചടങ്ങ് ബി. എം. ആര്‍ ഓഡിറ്റോറിയത്തില്‍ നടന്നു. മുതിര്‍ന്ന മാധ്യമപ്രവര്‍ത്തകന്‍ മുസാഫിര്‍ പരിപാടി ഉദ്ഘാടനം ചെയ്തു. ജീവകാരുണ്യ രംഗത്തെ നക്ഷത്രങ്ങളായ നഴ്‌സുമാരെ നവോദയ ആരോഗ്യ വേദിയിലൂടെ സംഘടിപ്പിക്കുകയും, അവര്‍ക്ക് അര്‍ഹിക്കുന്ന അംഗീകാരം നല്‍കുകയും ചെയ്യുന്നത് മാതൃകാപരമെന്ന് അദ്ദേഹം പറഞ്ഞു.
നവോദയ ഏരിയ പ്രസിഡന്റ് ജിജോ അങ്കമാലി അധ്യക്ഷത വഹിച്ചു. ജിദ്ദയിലെ വിവിധ ഹോസ്പിറ്റലുകളില്‍ ജോലി ചെയ്യുന്ന നഴ്‌സുമാര്‍ അടക്കമുള്ള നൂറോളം ആരോഗ്യ പ്രവര്‍ത്തകര്‍ക്കാണ് ഖാലിദ് ബിന്‍ വലീദ് ഏരിയ കമ്മിറ്റി ആദരം നല്‍കിയത്. ഖാലിദ് ബിന്‍ വലീദ് ഏരിയ രക്ഷാധികാരി അനാസ് ബാവ,
ജനറല്‍ സെക്രട്ടറി ശ്രീകുമാര്‍ മാവേലിക്കര, ജിദ്ദ നവോദയ മുഖ്യ രക്ഷാധികാരി ഷിബു തിരുവനന്തപുരം, പ്രസിഡന്റ് കിസ്മത്ത് മമ്പാട്, ട്രഷറര്‍ സിഎം അബ്ദുറഹ്‌മാന്‍,
ആരോഗ്യവേദി കണ്‍വീനര്‍ ടിറ്റോ മീരാന്‍, ഏരിയ ട്രഷറര്‍ ഗ്രീവര്‍ ചെമ്മനം, കേന്ദ്ര കുടുംബവേദി കണ്‍വീനര്‍ മുസഫര്‍ പാണക്കാട്, കേന്ദ്ര വനിതാ വേദികണ്‍വീനര്‍ അനുപമ ബിജുരാജ്, ഏരിയ വനിതാ വേദി കണ്‍വീനര്‍ നീനു വിവേക്, ഏരിയ ആരോഗ്യവേദി കണ്‍വീനര്‍ അജിഷ സാന്റി എന്നിവര്‍ ആശംസകള്‍ അര്‍പ്പിച്ചു സംസാരിച്ചു. ഏരിയ സെക്രട്ടറി മുനീര്‍ പാണ്ടിക്കാട് സ്വാഗതവും കേന്ദ്രകമ്മിറ്റി അംഗം യുസഫ് മേലാറ്റൂര്‍ നന്ദിയും പറഞ്ഞു.
