ജിദ്ദ: ജിദ്ദ ഇന്ത്യന്‍ കോണ്‍സുലേറ്റിലെ മൂന്ന് വര്‍ഷത്തെ ഔദ്യോഗിക ചുമതലക്ക് ശേഷം ഡല്‍ഹിലേക്ക് മടങ്ങുന്ന ഹജ്ജ് കോണ്‍സല്‍ മുഹമ്മദ് അബ്ദുല്‍ ജലീലിന് ജിദ്ദ ഇന്ത്യന്‍ മീഡിയ ഫോറം യാത്രയയപ്പ് നല്‍കി. 'കോഫീ വിത്ത് കോണ്‍സല്‍' എന്ന പേരില്‍ മീഡിയ ഫോറം സംഘടിപ്പിച്ച പരിപാടിയില്‍ പഠന കാലത്തും ഇന്ത്യന്‍ സിവില്‍ സര്‍വീസ് നേടിയതിന് ശേഷവുമുള്ള ജീവിതാനുഭവങ്ങള്‍ മാധ്യമ പ്രവര്‍ത്തകരുമായി അദ്ദേഹം പങ്കുവെച്ചു. യാഥാര്‍ത്ഥ്യത്തിലൂന്നിയ മാധ്യമ പ്രവര്‍ത്തനത്തെ അഭിനന്ദിക്കുന്നതായി അദ്ദേഹം പറഞ്ഞു.
ദുബായി ആസ്ഥാനമായ സ്വകാര്യ കമ്പനിയില്‍ കണ്‍സല്‍ട്ടന്റായി പ്രവര്‍ത്തിക്കുന്ന കോണ്‍സലിന്റെ ഭാര്യ എഞ്ചിനീയര്‍ ബിസ്മിതയും ചടങ്ങിന്റെ ഭാഗമായി ജീവിതാനുഭവങ്ങളും വിദ്യാഭ്യാസ മാര്‍ഗ നിര്‍ദ്ദേശങ്ങളും സദസുമായി പങ്കുവെച്ചു.
ചടങ്ങില്‍ ജിദ്ദ ഇന്ത്യന്‍ മീഡിയ ഫോറത്തിന്റെ സ്‌നേഹോപഹാരം ഫോറം പ്രസിഡന്റ് കബീര്‍ കൊണ്ടോട്ടി സമ്മാനിച്ചു. ഹസ്സന്‍ ചെറുപ്പ, ജലീല്‍ കണ്ണമംഗലം, സാദിഖലി തുവൂര്‍, സുല്‍ഫീകര്‍ ഒതായി, ഗഫൂര്‍ കൊണ്ടോട്ടി, സാബിത് സലീം എന്നിവരും അനുപമ ബിജു, ഷബ്ന കബീര്‍ എന്നിവരും ആശംസ നേര്‍ന്നു. മീഡിയ ഫോറം ജനറല്‍ സെക്രട്ടറി ബിജു രാമന്തളി സ്വാഗതവും ട്രഷറര്‍ പി. കെ സിറാജ് നന്ദിയും പറഞ്ഞു.
Related News
