റിയാദ്: സൗദി അറേബ്യയിലെ വാടക വാഹന സ്ഥാപനങ്ങളുടെ പ്രവര്‍ത്തനങ്ങളില്‍ സമഗ്രമായ മാറ്റങ്ങള്‍ ലക്ഷ്യമിട്ട് പുതിയ ചട്ടങ്ങള്‍ പ്രഖ്യാപിച്ചു. സൗദി മുനിസിപ്പാലിറ്റികളും ഹൗസിങ് മന്ത്രാലയവും ചേര്‍ന്നാണ് സംയുക്ത മാര്‍ഗ്ഗനിര്‍ദ്ദേശങ്ങള്‍ പുറത്തിറക്കിയത്. ഈ നിയമങ്ങള്‍ ലംഘിക്കുന്ന സ്ഥാപനങ്ങള്‍ക്കെതിരെ കര്‍ശന നടപടി സ്വീകരിക്കും. ഈ പുതിയ മാര്‍ഗ്ഗനിര്‍ദ്ദേശങ്ങള്‍ വിവിധ തരം ഗതാഗത വാടക സ്ഥാപനങ്ങളുടെ ഓഫീസുകള്‍, പാര്‍ക്കിങ് സ്ഥലങ്ങള്‍, സേവന കേന്ദ്രങ്ങള്‍ എന്നിവയ്ക്ക് ബാധകമാണ്.
പ്രധാന നിര്‍ദ്ദേശങ്ങള്‍:
മുനിസിപ്പല്‍ മാനദണ്ഡങ്ങള്‍: ഓഫീസുകളുടെ പാര്‍ക്കിങ് സൗകര്യം, ശുചിത്വം, ഓഫീസ് ഡിസൈന്‍ എന്നിവ മുനിസിപ്പാലിറ്റികളുടെ മാനദണ്ഡങ്ങള്‍ കൃത്യമായി പാലിച്ചിരിക്കണം. എല്ലാ ഓഫീസുകളിലും ഭിന്നശേഷി സൗഹൃദ സൗകര്യങ്ങള്‍ ഉറപ്പാക്കണം. സൗദി ബില്‍ഡിങ് കോഡ്, ഫയര്‍ പ്രൊട്ടക്ഷന്‍ കോഡ് എന്നിവ കര്‍ശനമായി പാലിക്കണം. ഇലക്ട്രോണിക് പേയ്മെന്റ് സംവിധാനം, സിസിടിവി ക്യാമറകള്‍ എന്നിവ നിര്‍ബന്ധമായും സ്ഥാപിക്കണം.
രാജ്യത്തെ നഗര ജീവിത നിലവാരം മെച്ചപ്പെടുത്തുന്നതിനും, ഉപഭോക്താക്കള്‍ക്ക് മെച്ചപ്പെട്ട സേവനം നല്‍കുന്നതിനും, വിദേശ നിക്ഷേപം ആകര്‍ഷിക്കുന്നതിനും വേണ്ടിയാണ് ഈ നിയമങ്ങള്‍ പരിഷ്‌കരിക്കുന്നത്. പുതിയ ചട്ടങ്ങള്‍ നടപ്പിലാക്കുന്നതിലൂടെ വാടക വാഹന മേഖലയില്‍ ഉയര്‍ന്ന നിലവാരം ഉറപ്പാക്കാന്‍ സൗദി ലക്ഷ്യമിടുന്നു.
Related News
