ജിസാന്‍: സൗദി ദേശീയ ദിനത്തോടനുബന്ധിച്ച് അന്നം നല്‍കിയ രാജ്യത്തിന് ജീവരക്തം സമ്മാനം എന്ന പ്രമേയവുമായി വര്‍ഷങ്ങളായി കെ.എം.സി.സി സൗദി നാഷണല്‍ കമ്മിറ്റിയുടെ ആഹ്വാനപ്രകാരം സൗദിയിലെ എല്ലാ സെന്‍ട്രലുകളിലും രക്തദാനക്യാമ്പ് നടന്നു വരുന്നു. കെ.എം.സി.സി ജിസാന്‍ സെന്‍ട്രല്‍ കമ്മിറ്റിയും തൊണ്ണൂറ്റിഅഞ്ചാം ദേശീയ ദിനത്തോടനുബന്ധിച്ച് രക്തദാന ക്യാമ്പ് സംഘടിപ്പിച്ചു. ജിസാന്‍ പ്രിന്‍സ് മുഹമ്മദ് ബ്ന്‍ നാസര്‍ ഹോസ്പിറ്റലില്‍ നടന്ന രക്തദാന ക്യാമ്പില്‍ ജിസാനിലെ നിരവധി പ്രവര്‍ത്തകര്‍ പങ്കെടുത്ത് രക്തം നല്‍കുകി.
ജിസാന്‍ കെ.എം.സി.സി സെന്‍ട്രല്‍ കമ്മിറ്റി പ്രസിഡന്റ് ഷംസു പൂക്കോട്ടൂര്‍ രക്തദാന ക്യാമ്പ് ഉദ്ഘാടനം ചെയ്തു. ഹോസ്പിറ്റല്‍ ഡയറക്ടര്‍ സാബിരി യഹ്യഗാവി, ജിസാന്‍ കെ.എം.സി.സി സ്ഥാപകനേതാവ് എം.എ. അസീസ് ചേളാരി, തുടങ്ങിയവര്‍ രക്തദാന ക്യാമ്പിനു ആശംസ നേര്‍ന്നു സംസാരിച്ചു.
ലാബ് ഡയറക്ടര്‍ ഡോ. മൂസ അലി അയ്യാശി, ഡോ. മുസ്ഥഫ അബ്ദുല്‍ അസീസ്, ആശുപത്രി നടത്തിപ്പുകാരായ യഹയ മുഹമ്മദ് ദാവൂദ്, വായില്‍ ഹുസൈന്‍, മുഹമ്മദ് അഹമ്മദ് അഖീലി, കെ.എം.സി.സി സൗദി നാഷണല്‍ കമ്മറ്റി സക്രട്ടറിയേറ്റ് മെമ്പര്‍ ഗഫൂര്‍ വാവൂര്‍, സെന്‍ട്രല്‍ കമ്മറ്റി സെക്രട്ടറിമാരായ പി.എ.സലാം പെരുമണ്ണ, അബ്ദുല്‍ ഗഫൂര്‍ മൂന്നിയൂര്‍, നാസര്‍ വാക്കാലൂര്‍, ഷമീര്‍ അമ്പലപ്പാറ, സിറാജ് പുല്ലൂരാംപാറ തുടങ്ങിയവര്‍ നേതൃത്വം നല്‍കി.
വിവിധ ഏരിയകളില്‍ നിന്നെത്തിയ കെ.എം.സി.സി ഭാരവാഹികളും പ്രവര്‍ത്തകരും രക്തദാന ക്യാമ്പില്‍ സംബന്ധിച്ചു. ജനറല്‍ സെക്രട്ടറി ഖാലിദ് പടല സ്വാഗതവും ട്രഷറര്‍ ഡോ. മന്‍സൂര്‍ നാലകത്ത് നന്ദിയും പറഞ്ഞു.
Related News
