ദമാം: ഖത്തീഫ് ഫിഷ് മാര്‍ക്കറ്റ് കൂട്ടായ്മ ' ഒരുമിച്ചോണം ' എന്ന തലക്കെട്ടില്‍ സംഘടിപ്പിച്ച വിപുലമായ ഓണാഘോഷ പരിപാടി ഒരുമയുടെ വിജയമായി.
കവിയും ,എഴുത്തുകാരനും , ടോസ്റ്റ് മാസ്റ്ററും ,സാമൂഹിക- സാംസ്‌ക്കാരിക പ്രവര്‍ത്തകനുമായ സഈദ് ഹമദാനി ഉദ്ഘാടനം നിര്‍വഹിച്ചു. ജീവിതം നല്കാത്തതൊക്കെ ജീവിതത്തോട് നമുക്ക് ജീവിച്ച് നേടാനാവും എന്ന ഉള്‍ക്കരുത്താണ് ഇത് പോലുള്ള കൂടിച്ചേരലെന്നും, താന്‍ മാത്രമല്ല മറ്റുള്ളവര്‍ കൂടി തനിക്ക് ഏറ്റവും പ്രിയപ്പെട്ടവരാണെന്ന ബോധ്യങ്ങളാണ് ഇത് പോലുള്ള കൂട്ടായ്മയിലൂടെ സാക്ഷ്യപ്പെടുത്തുന്നതെന്നും അദ്ദേഹം ഓണസന്ദേശത്തില്‍ പറഞ്ഞു
പ്രോഗ്രാം കമ്മറ്റി ചെയര്‍മാനും , ഖത്തീഫ് ഫിഷ്മാര്‍ക്കറ്റ് ഫുട്ബാള്‍ ടീം മാനേജരുമായ സുലൈമാന്‍ എന്‍ എഫ് അധ്യക്ഷത വഹിച്ചു. പ്രോഗ്രാം കമ്മറ്റി നിര്‍വ്വാഹക സമിതി കണ്‍വീനറും, സാമൂഹിക പ്രവര്‍ത്തകനുമായ യാസിര്‍ പള്ളിപ്പടി സ്വാഗതം പറഞ്ഞു.
ഹബീബ് പൊന്നാനിയുടെ നേതൃത്വത്തില്‍ ബഷീര്‍ കല്ലടിക്കോട് , ബാസി താജ് , ഷാഫി കൂനി , അബൂബക്കര്‍ പൊന്നാനി, സിറാജ് കല്ലടിക്കോട് , സി വി കരീം , ഷാഫി മുഹമ്മദ് , റഫീഖ് പാലപ്പെട്ടി , സിദ്ധിഖ് വേങ്ങര , സന്തോഷ് ഡിവൈന്‍ , അലി പി എസ്സ് എന്നിവര്‍ കായിക മത്സരങ്ങള്‍ നിയന്ത്രിച്ചു.
റഷീദ് അറേബ്യയുടെ നേതൃത്വത്തില്‍ അനീഷ് ഫാദില്‍ ഗസല്‍, റഷീദ് ശ്രീകൃഷ്ണ പുരം, ജെ ആര്‍ ഇസ്റാഫ് , സി വി ഷഫീഖ് , ബാദുഷ പൊന്നാനി , മുഹമ്മദ് ജെ ആര്‍ , ജസ്റ്റിന്‍ എം എഫ് ,അനീഷ് തവ എന്നിവരുടെ നിയന്ത്രണത്തിലായിരുന്നു വിഭവ സമൃദ്ധമായ ഓണ സദ്യ ഒരുക്കിയത്.
ഷൈമ ഷബീര്‍ , ഈശാന കരീം കെ സി എന്നീ കുട്ടികളുടെ ഡാന്‍സും സല്‍വ ഷെബീറിന്റെ ഓണപ്പാട്ടും പരിപാടിയെ കൂടുതല്‍ മനോഹരമാക്കി. ദമാം അറേബ്യന്‍ സിംഗേഴ്സ്സിന്റെ ഗാനമേളയോടൊപ്പം മാര്‍ക്കറ്റ് ജീവനക്കാരും ഗായകരുമായ അക്ബര്‍ അലി കൊടുങ്ങലൂര്‍ , ഫൈസല്‍ പൊന്നാനി , ഷെഫീഖ് പൊന്നാനി ഹസ്സന്‍ മൂസ പൊന്നാനി എന്നിവര്‍ പാട്ടുകളുമായി എത്തിയത് സദസ്സ് നിറകയ്യടിയോടെ ഏറ്റെടുത്തു .
വടം വലി , കസേര കളി , ഉറിയടി , ലെമണ്‍ ആന്റ് സ്പൂണ്‍ എന്നീ മത്സരങ്ങളും നടത്തി. കുട്ടികള്‍ക്കായി നടത്തിയ കായിക മത്സരങ്ങളില്‍ നൈല ,സാറാ ഫാത്തിമ , സഫാണ് ബാവ എന്നിവരുടെ പ്രകടനങ്ങള്‍ മികച്ചതായിരുന്നു. മത്സരത്തില്‍ പങ്കെടുത്തവര്‍ക്കും വിജയിച്ചവര്‍ക്കും ഓര്‍മയില്‍ നില്‍ക്കുന്ന മനോഹരമായ ഉപഹാരങ്ങള്‍ വിതരണം ചെയ്തു. ഖത്തീഫ് ഫിഷ് മാര്‍ക്കറ്റിലെ കേരളാ കമ്യൂണിറ്റിയോടൊപ്പം ബംഗ്‌ളാ ദേശികളും , തമിഴ് നാട്ടുകാരും ഉള്‍പ്പെടുന്ന വലിയൊരു സമൂഹം ആവേശത്തോടെ ആദ്യാവസാനം പങ്കെടുത്തു.
ജാഫര്‍ പാലക്കാട് , അഖില്‍ അശോകന്‍ , ഷാജി പുനലൂര്‍ , കൃഷ്ണന്‍ തിരുനെല്‍ വേലി , ഷംസു കുന്നത്തിയില്‍ , അന്‍വര്‍ അഴീക്കോട് , സുബീഷ് താജ് എന്നിവരും സന്നിഹിതരായിരുന്നു.
