ജിദ്ദ: ഒഐസിസി ജിദ്ദ വെസ്റ്റേണ്‍ റീജിയണല്‍ കമ്മിറ്റിയുടെ നേതൃത്വത്തില്‍ ഷറഫിയ അബീര്‍ പോളി ക്ലിനിക് ഓഡിറ്റോറിയത്തില്‍ പി പി തങ്കച്ചന്‍ അനുസ്മരണം നടത്തി. റീജിയണല്‍ കമ്മിറ്റി പ്രസിഡന്റ് ഹക്കീം പാറക്കല്‍ അധ്യക്ഷത വഹിച്ചു. വൈസ് പ്രസിഡന്റ് സഹീര്‍ മാഞ്ഞാലി മുഖ്യപ്രഭാഷണം നടത്തി.
പതിറ്റാണ്ടുകളോളം കോണ്‍ഗ്രസ് ഭാരവാഹിത്വ പദവികളും ജനപ്രതിനിധി, മന്ത്രി, സ്പീക്കര്‍ തുടങ്ങിയ പദവികളും അലങ്കരിച്ച് ജനങ്ങള്‍ക്ക് ഉപകാരപ്പെടുന്ന ഒട്ടേറെ പ്രവര്‍ത്തനങ്ങള്‍ കാഴ്ചവെച്ചും. പാര്‍ട്ടിയെ ശക്തിപ്പെടുത്തുന്നതില്‍ നിര്‍ണായകമായ പങ്കുവഹിച്ചും ജനഹൃദയങ്ങളില്‍ സ്ഥാനം പിടിച്ച നേതാവാണ് പൈനാടത്ത് കുടുംബത്തിലെ റവ ഫാദര്‍ പൗലോസിന്റെയും അന്നമ്മയുടെയും മകനായ പി പി തങ്കച്ചന്‍ എന്ന് യോഗത്തില്‍ സംസാരിച്ചവര്‍ അനുസ്മരിച്ചു.
എറണാകുളം ജില്ലാ പ്രസിഡന്റ് ഹര്‍ഷാദ് എലൂര്‍, നോര്‍ക്ക കണ്‍വീനര്‍ അബ്ദുല്‍ ഖാദര്‍ ആലുവ എന്നിവരും അനുസ്മരിച്ചു. റീജണല്‍ കമ്മിറ്റി ഭാരവാഹികള്‍ ജില്ലാ കമ്മിറ്റി ഭാരവാഹികള്‍ ഏരിയ കമ്മിറ്റി ഭാരവാഹികള്‍ എന്നിവര്‍ സന്നിഹിതരായിരുന്നു. സംഘടന ജനറല്‍ സെക്രട്ടറി അസ്ഹാബ് വര്‍ക്കല സ്വാഗതവും സെക്രട്ടറി മുസ്തഫ ചേളാരി നന്ദിയും പറഞ്ഞു.
ഫോട്ടോ: സഹീര്‍ മാഞ്ഞാലി മുഖ്യപ്രഭാഷണം നടത്തുന്നു.
Related News
