റിയാദ്: ഒവര്‍സീസ് ഇന്ത്യന്‍ കള്‍ച്ചറല്‍ കോണ്‍ഗ്രസ് (ഒഐസിസി) തിരുവനന്തപുരം ജില്ലാ കമ്മിറ്റിയുടെ പതിനാലാമത് വാര്‍ഷികാഘോഷം ഓഗസ്റ്റ് 29-വെള്ളി വൈകുന്നേരം 5 മണിക്ക് ബത്ഹ ഡി പാലസില്‍ നടക്കും. പ്രമുഖ കോണ്‍ഗ്രസ് നേതാവും കോവളം നിയോജക മണ്ഡലം എം.എല്‍.എയുമായ അഡ്വ: എം. വിന്‍സന്റ് മുഖ്യാതിഥിയായി പങ്കെടുക്കുമെന്ന് സംഘാടകര്‍ അറിയിച്ചു.
'വാഗണില്‍ പൂത്ത വാക പൂവിതള്‍, ജാലിയനിലും' എന്ന പ്രമേയത്തിലാണ് വാര്‍ഷികാഘോഷം സംഘടിപ്പിക്കുന്നത്. രാഷ്ട്രീയ-സാമൂഹിക രംഗങ്ങളിലെ പ്രവര്‍ത്തകരുടെ സാന്നിധ്യത്തില്‍ പൊതു സമ്മേളനവും, വിവിധ കലാപരിപാടികളും, മെഹന്തി മത്സരവും നടക്കുമെന്ന് സംഘാടക സമിതി അംഗങ്ങളായ ജില്ലാ പ്രസിഡന്റ് വിന്‍സെന്റ് കെ. ജോര്‍ജ്, ജനറല്‍ സെക്രട്ടറി അന്‍സാര്‍ എ.എസ്., പ്രോഗ്രാം കോ-ഓര്‍ഡിനേറ്റര്‍ സജീര്‍ പൂത്തുറ, പ്രോഗ്രാം കണ്‍വീനര്‍ അന്‍സാര്‍ വര്‍ക്കല എന്നിവര്‍ വാര്‍ത്താക്കുറിപ്പില്‍ അറിയിച്ചു.
Related News
