കണ്ണൂര്‍: കെഎംസിസി സൗദി നാഷണല്‍ കമ്മിറ്റി പ്രവാസികള്‍ക്കായി നടപ്പിലാക്കിയ സാമൂഹ്യ സുരക്ഷാ പദ്ധതിയില്‍ അംഗമായിരിക്കെ ജിദ്ദയില്‍ മരണപ്പെട്ട പേരാവൂര്‍ സ്വദേശിയുടെ കുടുംബത്തിനുള്ള പദ്ധതി ആനുകൂല്യം ജിദ്ദ കണ്ണൂര്‍ ജില്ലാ കെഎംസിസി ജനറല്‍ സെക്രട്ടറി സക്കരിയ്യ ആറളം പേരാവൂര്‍ നിയോജകമണ്ഡലം മുസ്ലിം ലീഗ് ജനറല്‍ സെക്രട്ടറി ഒമ്പാല്‍ ഹംസക്ക് ചെക്ക് കൈമാറി നിര്‍വഹിച്ചു.

ജിദ്ദ കെഎംസിസി കോഡിനേറ്റര്‍ എസ് എല്‍ പി മുഹമ്മദ് കുഞ്ഞി പദ്ധതി വിശദീകരണം നടത്തി. പേരാവൂര്‍ പഞ്ചായത്ത് മുസ്ലിം ലീഗ് ജനറല്‍ സെക്രട്ടറി സക്കരിയ ബാനത്തുംകണ്ടി അധ്യക്ഷനായി. ജിദ്ദ കെഎംസിസി മുന്‍ വൈസ് പ്രസിഡണ്ട് അബ്ദുള്ള പാലേരി, പ്രവാസി ലീഗ് പേരാവൂര്‍ നിയോജക മണ്ഡലം പ്രസിഡന്റ് തറാല്‍ ഹംസ ഹാജി, ബഷീര്‍ നെടുവോട്, റഷീദ് വട്ടിപ്രം, ഷമീര്‍ എടയന്നൂര്‍ പ്രസംഗിച്ചു. ഷംസീര്‍ സി കെ സ്വാഗതവും എ കെ അഷറഫ് നന്ദിയും പറഞ്ഞു. ആലക്കോട് പഞ്ചായത്ത് മുസ്ലിം യൂത്ത് ലീഗ് പ്രസിഡണ്ട് സിപി നൗഷാദ്,സി പി ഷഫീഖ്, കെ എം അബ്ദുല്ല, മുഹമ്മദ് ഹാജി കാവുംപടി പി പി യൂസഫ് ഹാജി, എസ് കെ അബ്ദുല്‍ അസീസ് പങ്കെടുത്തു.

ഫോട്ടോ: സൗദി കെഎംസിസി പ്രവാസി സുരക്ഷ പദ്ധതി ആനുകൂല്യം ജിദ്ദ കെഎംസിസി കണ്ണൂര്‍ ജില്ല ജനറല്‍ സെക്രട്ടറി സക്കരിയ്യ ആറളം മണ്ഡലം മുസ്ലിം ലീഗ് ജനറല്‍ ഒമ്പാല്‍ ഹംസക്ക് കൈമാറുന്നു.