മക്ക: ഈ വര്‍ഷം ആദ്യപാദത്തില്‍ ഉംറ തീര്‍ഥാടകരുടെ എണ്ണത്തില്‍ വന്‍ വര്‍ധന. മുന്‍ വര്‍ഷത്തെ അപേക്ഷിച്ച് 10.7 ശതമാനം വര്‍ധനയാണുണ്ടായിരിക്കുന്നത്. ഉംറ വിസ നടപടിക്രമങ്ങളിലെ സുതാര്യതയും യാത്രാ താമ സൗകര്യങ്ങള്‍ വര്‍ധിച്ചതുമാണ് തീര്‍ഥാടകരുടെ എണ്ണത്തില്‍ വര്‍ധനയുണ്ടാവാന്‍ കാരണം.

2025 ലെ ആദ്യ പാദത്തില്‍ ഉംറക്കെത്തിയ തീര്‍ഥാടകരുടെ എണ്ണം 1.52 കോടി കവിഞ്ഞതായി ജനറല്‍ അതോറിറ്റി ഫോര്‍ സ്റ്റാറ്റിസ്റ്റിക്‌സ് അറിയിച്ചു. ഈ കാലയളവില്‍ വിദേശത്തു നിന്നുള്ള ഉംറ തീര്‍ഥാടകരുടെ ആകെ എണ്ണം 66 ലക്ഷത്തിലെത്തി. ഇവരില്‍ കൂടുതല്‍ സ്ത്രീകളാണ്. 33 ലക്ഷം. ഇത് മൊത്തം വിദേശ തീര്‍ഥാടകരുടെ 50.5 ശതമാനം വരും. പുരുഷ തീര്‍ഥാടകരുടെ എണ്ണം 32 ലക്ഷത്തിലെത്തിയതായും ഇത് 49.5 ശതമാനത്തെ പ്രതിനിധാനം ചെയ്യുന്നതായും് റിപ്പോര്‍ട്ടി വെളിപ്പെടുത്തി.

2025ലെ ആദ്യ പാദത്തില്‍ ആഭ്യന്തര തീര്‍ഥാടകരുടെ എണ്ണം ഏകദേശം 88 ലക്ഷത്തിലെത്തിയതായി അതോറിറ്റി വെളിപ്പെടുത്തി. ഇതില്‍ 36 ലക്ഷം സൗദി തീര്‍ഥാടകരായിരുന്നു. ഇത് മൊത്തം തീര്‍ഥാടകരുടെ 42 ശതമാനം വരും, 50 ലക്ഷത്തിലധികം വിദേശികളാണ് ആഭ്യന്തരമായി ഉംറ നിര്‍വഹിച്ചത്. ഇത് മൊത്തം തീര്‍ഥാടകരുടെ 58 ശതമാനം വരും. വിദേശ തീര്‍ഥാടകരില്‍ ഏകദേശം 69 ശതമാനം പുരുഷന്മാരാണ് (60 ലക്ഷം). സ്ത്രീകള്‍ 31 ശതമാനവും (27 ലക്ഷം) ആണ്.

2025 ലെ ആദ്യ പാദത്തിലെ ഉംറ സ്റ്റാറ്റിസ്റ്റിക്‌സ് റിപ്പോര്‍ട്ട് സൂചിപ്പിക്കുന്നത് 84 ലക്ഷത്തിലധികം ആഭ്യന്തര തീര്‍ഥാടകര്‍ ഒരു തവണ ഉംറ നിര്‍വഹിച്ചപ്പോള്‍ 2,64,000 പേര്‍ ഒന്നിലധികം തവണ ഉംറ നിര്‍വഹിച്ചതയാണ് കണക്ക്. ആഭ്യന്തര തീര്‍ഥാടകരുടെ എണ്ണത്തില്‍ ഏറ്റവും ഉയര്‍ന്ന വര്‍ധനവ് രേഖപ്പെടുത്തിയ മാസമായിരുന്നു ഈ വര്‍ഷം മാര്‍ച്ച്. 70 ലക്ഷം തീര്‍ഥാടകരാണ് അന്ന് എത്തിയത്. ഇവരില്‍ പുരുഷ തീര്‍ഥാടകര്‍ ഏകദേശം 60.5 ശതമാനവും മൊത്തം തീര്‍ഥാടകര്‍ ഏകദേശം 39.5 ശതമാനം ആണെന്നും അതോറിറ്റി അറിയിച്ചു.

2025 മാര്‍ച്ചിലാണ് ഏറ്റവും കൂടുതല്‍ ആഭ്യന്തര തീര്‍ഥാടകര്‍ ഉംറക്കെത്തിയതെന്നും ഇത് ഏകദേശം 70 ലക്ഷത്തിലധികം വരുമെന്നും ജനറല്‍ അതോറിറ്റി ഫോര്‍ സ്റ്റാറ്റിസ്റ്റിക്‌സ് കഴിഞ്ഞ ദിവസം പുറത്തിറക്കിയ റിപ്പോര്‍ട്ടില്‍ വ്യക്തമാക്കി.