കൊച്ചി: കൊച്ചി വിമാനത്താവളത്തില്‍നിന്ന് ഡല്‍ഹിയിലേക്ക് പുറപ്പെടേണ്ടിയിരുന്ന എയര്‍ ഇന്ത്യയുടെ എഐ 504 വിമാനം റണ്‍വേയില്‍ നിന്ന് തെന്നിമാറിയതിനെ തുടര്‍ന്ന് യാത്ര റദ്ദാക്കി. ഞായറാഴ്ച രാത്രി 10.15ന് ബോര്‍ഡിങ് ആരംഭിച്ച വിമാനം ടേക്ക് ഓഫിനായി റണ്‍വേയിലേക്ക് നീങ്ങുമ്പോഴായിരുന്നു സംഭവം. യാത്രക്കാരെ മറ്റൊരു വിമാത്തില്‍ പിന്നീട് ഡല്‍ഹിക്ക് കൊണ്ടുപോയി. യാത്രക്കാരില്‍ ഹൈബി ഈഡന്‍ എം.പിയുമുണ്ടായിരുന്നു.
വിമാനം തെന്നിമാറിയ വിവരം യാത്രക്കാരില്‍ ഒരാളായ ഹൈബി ഈഡന്‍ എംപി തന്റെ ഫെയ്‌സ്ബുക്ക് പോസ്റ്റിലൂടെയാണ് ആദ്യം അറിയിച്ചത്. സാങ്കേതിക തകരാറാണ് പ്രശ്‌നത്തിന് കാരണമായതെന്നു എയര്‍പോര്‍ട്ട് അധികൃതര്‍ അറിയിച്ചു. വിമാനം മെയിന്റനന്‍സ് ബേയിലേക്ക് മാറ്റി കേടുപാടുകള്‍ തീര്‍ത്തു വരികയാണെന്നും അവര്‍ കൂട്ടിച്ചേര്‍ത്തു.
.jpg)
Related News
