റിയാദ് : സ്വാതന്ത്ര്യദിനാഘോഷങ്ങളുടെ ഭാഗമായി ഇന്ത്യയുടെ മഹോത്സവമൊരുക്കി അവന്യൂ മാളിലെ ലുലു ഹൈപ്പര്മാര്ക്കറ്റില് ഇന്ത്യന് ഉത്സവ് 2025. ഒരാഴ്ച നീളുന്ന ഇന്ത്യന് ഉത്സവ് ആഘോഷങ്ങള് സൗദി അറേബ്യയിലെ ഇന്ത്യന് അംബാസഡര് ഡോ.സുഹൈല് അജാസ് ഖാന് ഉദ്ഘാടനം ചെയ്തു. വിശിഷ്ടാതിഥികളും, ലുലു ഹൈപ്പര്മാര്ക്കറ്റ് മാനേജ്മെന്റ് പ്രതിനിധികളും സന്നിഹിതരായിരുന്നു.
ഇന്ത്യയുടെ സംസ്കാരവും പാരമ്പര്യവും വൈവിധ്യവും വിളിച്ചോതുന്ന പ്രീമിയം ഉത്പന്നങ്ങള് അണിനിരത്തിയുള്ള പ്രോഡക്ട് വാളിന്റെ പ്രദര്ശനവും മുഖ്യാതിഥി നിര്വ്വഹിച്ചു. ഇന്ത്യയുടെ വൈവിധ്യങ്ങള് ഒരു കുടക്കീഴിലെത്തിക്കുന്ന ഇന്ത്യന് ഉത്സവ് ഓഗസ്റ്റ് 19 വരെയുണ്ടാകും.
ലുലു ഹൈപ്പര്മാര്ക്കറ്റില് ഇന്ത്യയുടെ മഹോത്സവം
ലുലു ഹൈപ്പര്മാര്ക്കറ്റിലെ ഒരോ പവലിയനുകളിലും തനത് ഇന്ത്യന് വൈവിധ്യങ്ങളൊരുക്കിയാണ് ഇന്ത്യന് ഉത്സവ് ആഘോഷങ്ങള്. ഇന്ത്യയുടെ സമ്പന്നമായ ഭക്ഷ്യ സംസ്കാരം, അതുല്യമായ രുചികള്, വിഭവങ്ങള് എല്ലാം ഒരുക്കി ബേക്കറി - ഹോട്ട് ഫുഡ് വിഭാഗം ഉപഭോക്താക്കളെ വരവേറ്റു. ഇന്ത്യന് ഉത്സവ് തീം ഉള്പ്പെടുത്തിയുള്ള ഫലം-പച്ചക്കറി വിഭവങ്ങളുടെ വര്ണ്ണാഭമായ പ്രദര്ശനം ഇന്ത്യയുടെ മഹത്തായ കാര്ഷിക പാരമ്പര്യത്തെ വരച്ച് കാണിക്കുന്നു.
പുതിയ ഇന്ത്യന് ഉത്പന്നങ്ങളുടെ വിപുലമായ പവലിയന്
ഇത്തവണയും ഇന്ത്യന് ഉത്സവിലെ കാഴ്ചകള്ക്ക് പുതുമകളേറെയാണ്. എട്ട് പ്രമുഖ ബ്രാന്ഡുകളുടെ 120 പുതിയ ഇന്ത്യന് ഉല്പ്പന്നങ്ങളാണ് ഇതില് ഏറെ ശ്രദ്ധേയം. ഇതോടൊപ്പം ഇന്ത്യയുടെ വിവിധ ഭാഗങ്ങളില് നിന്നെത്തിച്ച സുഗന്ധവ്യജ്ഞനങ്ങള്, പ്രാദേശിക പലഹാരങ്ങള്, ഡയറി ഉല്പ്പന്നങ്ങള്, ബേക്കറി വിഭവങ്ങള്, പഴങ്ങള്, പച്ചക്കറികള് എന്നിവയും ലുലു ഹൈപ്പര്മാര്ക്കറ്റിലെ ഇന്ത്യന് ഉത്സവ് കാഴ്ചകളെ വേറിട്ടതാക്കുന്നു. അതുല്യവും, ഉയര്ന്ന നിലവാരമുള്ളതുമായ ഉത്പന്നങ്ങള് ഉപഭോക്താക്കളിലേക്ക് എത്തിക്കാനും ആഗോള ഷോപ്പിംഗ് അനുഭവം എല്ലാവര്ക്കും പ്രാപ്തമാക്കാനുമുള്ള ലുലുവിന്റെ പ്രതിബദ്ധത ഒരിക്കല് കൂടി ഊട്ടിയുറപ്പിക്കുന്നതാണ് ഇന്ത്യന് ഉത്സവ്.
ഇന്ത്യന് ഉത്സവിന്റെ ഭാഗമായി കാര്ഗില്, ലഡാക്ക് പ്രദേശങ്ങളില് നിന്നുള്ള പ്രീമിയം ആപ്രിക്കോട്ടുകളുടെ പ്രദര്ശനവും സംഘടിപ്പിച്ചു. മുഖ്യാതിഥിയായ ഡോ.സുഹൈല് അജാസ് ഖാന് പ്രദര്ശനം അനാവരണം ചെയ്തു. വണ് ഡിസ്ട്രിക്ട്, വണ് പ്രോഡക്ട് പദ്ധതിയുടെ ഭാഗമായി ഇന്ത്യയുടെ വിവിധ പ്രദേശങ്ങളില് നിന്നുള്ള അതുല്യവും വ്യത്യസ്തവുമായ ഉത്പന്നങ്ങളും പ്രദര്ശനത്തിനൊരുക്കിയിരുന്നു.
ഇന്ത്യയുടെ സംസ്കാരം, പാരമ്പര്യം, രുചിവൈവിധ്യങ്ങള് എന്നിവയടക്കം അടക്കം കോര്ത്തിണക്കി വര്ണ്ണാഭമായ ആഘോഷങ്ങളാണ് ഇന്ത്യന് ഉത്സവിന്റെ ഭാഗമായി ലുലു സംഘടിപ്പിച്ചിരിക്കുന്നത്.
Related News
