അബഹ- അസീര്‍ പ്രവിശ്യാ ഗവര്‍ണര്‍ തുര്‍ക്കി ബിന്‍ തലാല്‍ ബിന്‍ അബ്ദുല്‍ അസീസ് രാജകുമാരന്റെ സേവന കാലാവധി നാല് വര്‍ഷത്തേക്ക് കൂടി നീട്ടി തിരുഗേഹങ്ങളുടെ സേവകന്‍ സല്‍മാന്‍ ബിന്‍ അബ്ദുല്‍ അസീസ് രാജാവ് ഉത്തരവിട്ടു. തന്നിലര്‍പ്പിച്ച ഈ വിശ്വാസം കൂടുതല്‍ കഠിനാധ്വാനം ചെയ്യുന്നതിനും ഉത്തരവാദിത്തത്തോടെ മുന്നോട്ട് പോകുന്നതിനുമുള്ള കടമയാണെന്ന് ഗവര്‍ണര്‍ വ്യക്തമാക്കി.
അസീര്‍ പ്രവിശ്യയെയും അവിടുത്തെ ജനങ്ങളെയും സേവിക്കുന്നതിനും, സൗദി വിഷന്‍ 2030 ലക്ഷ്യങ്ങള്‍ക്ക് അനുസൃതമായി പ്രവിശ്യയുടെ വികസനവും സാമ്പത്തിക പ്രതിഭകളും പൂര്‍ണ്ണമായി പ്രയോജനപ്പെടുത്തുന്നതിനും സര്‍ക്കാറിന്റെ ദര്‍ശനങ്ങള്‍ നടപ്പിലാക്കാന്‍ താന്‍ പ്രതിജ്ഞാബദ്ധനാണെന്ന് അമീര്‍ തുര്‍ക്കി ബിന്‍ തലാല്‍ പറഞ്ഞു. പ്രവിശ്യയ്ക്ക് സമൃദ്ധി കൈവരിക്കാനുള്ള ചരിത്രപരമായ അവസരമാണിതെന്നും സൗദി നേതൃത്വത്തിന്റെ പ്രതീക്ഷകള്‍ക്കൊത്ത് ഉയരാന്‍ എല്ലാ വിഭവങ്ങളും കാര്യക്ഷമമായി ഉപയോഗപ്പെടുത്തുമെന്നും അദ്ദേഹം പറഞ്ഞു. രാജ്യത്തിന്റെ വികസനത്തിനും ജനങ്ങളുടെ സന്തോഷത്തിനും വേണ്ടി എല്ലാ ശക്തിയും ശേഷിയും വിനിയോഗിക്കുമെന്ന് അദ്ദേഹം ഉറപ്പുനല്‍കി.
.jpg)
Related News
